14 WEEKS

早幾日諗o左個名: 牽澄, 意思係想神牽住BB走聖潔o既路, 但老公話個”牽”字好似拖泥帶水咁, 所以建議叫”軒澄”, 睇落都幾好, 但好似冇o左我原先個意思, 等我再諗下先~! 

 

尋日我發覺我o既情緒有d差, 佳佳o係我身邊時我好心平氣和好平靜, 但當得我一個人時就好似失控咁… 好似尋日撘巴士回家時(269C), 架巴士好”鄧”, 我就好炆!!! 之後我就祈禱, 咁就好d, 希望唔好愈來愈嚴重…

 

今日好眼訓, 其實呢幾日都成日訓, 尋日食完lunch 返教會就訓咗… 師母話有咗特別而攰wor… 的確係呀~!

屯門醫院-超聲波檢查13/Jun/07 (三)

今日下午我請咗假去屯門醫院照超聲波, 原來BB已經有7cm大, 我見佢好活躍, 隻左手成日都舉高, 又彈來彈去, 好得意~~!

 

姑娘照得好細心, 我初初只見到佢一隻腳, 本來好擔心, 但又唔敢問, 以為咁早未必睇到, 後來個姑娘好仔細咁照, 然後話我知: “ 嗱, 呢對咪手lor… 呢度兩隻腳…”, 即刻放心晒~!

 

BB, 我好想同你改一個又好聽, 又有意思o既名, 但一真都未有idea… 天父, 求你賜BB一個好名~~~~

母嬰健康院檢查 6-Jun-2007

今朝早到母嬰健康院檢查, 大至上冇太大問題, 但我要轉介到屯門醫院睇專科(內科&產科), 我諗係跟緊d啫~! 不過咁檢查法, 我今個6月都要請好多日sick leave lu~!

 

呢排心情好差, 可能荷爾蒙作怪~! 希望我可以快d刻服佢, 唔好影響到身邊o既人, 仲有BB呢~~

10 WEEKS

今日BB係我個肚已經差唔多10個星期, 最近一次見佢時(26/May)佢已有經3.36cm(第一次6 weeks時照只有0.97cm大), 好奇妙, 佢已有手腳, 仲郁郁下好得意! BB, 你要努力呀! 係媽媽個肚度吸多D營養, 健康成長, 唔好要我同爸爸擔心呀~!

 

老公今日同我講, 原來佢尋日已經通知左奶奶我有喜, 奶奶話係女就佢揍wor… 唉… 最怕呢d掙邊個揍o既問題… 不過好彩老公已經說服咗唔會畀佢揍(事實真係太遠呢), 咁先冇咁擔心…