尋日係我生日, 今年係bb第一年我過生日, 其實冇乜特別, 不過都拎咗一日假諗住抖下~! 尋日朝一早約咗二姐同婆婆一齊去滿庭芳飲茶, 二姐請~! 之後就去咗銀咗逛個圈, 買咗幾件衫畀晢晢當買生日禮物畀自己, 之後就返咗婆婆屋企坐, 食埋個tea, 再上去坐多陣, 餵埋晢晢就返屋企~!
本來話咗一家人普普通通出去食餐晚飯慶祝, 但佳佳無啦啦改咗買個生日蛋糕當晚飯吃, 我明白佢心意o既, 但我實在有d失望... 一心諗住一家人出去食下飯, 輕鬆下, 尤其我成日因為湊b而漚喺屋企或婆婆家, 而且第二日星期六又唔駛返工! 但等咗成日, 點知變咗吃"蛋糕飯"! 我冇乜心機, 佳佳或許睇唔出... 到返房訓覺, 我訓訓下都忍唔住出咗廳喊咗一輪, 佳佳冇追到出來, 都慣lu, 坐咗一個鐘到, 大概1am, 我先返入房...
今朝一早, 佳佳又出去踢波, 一陣爺爺奶奶又入來探bb, 我真係好想出去抖下氣, 可以嗎?
我今朝成朝都喺度喊, 我知我已經好幸福, 人人都對我好好, 但我真係控制唔到! 點解? 點解年年生日都係唔開心?
PS: 我唔開心唔係因為餐蛋糕飯, 唔係, 唔係, 唔係!
