聖誕節快樂

聖誕節

冇特別去邊度慶祝

不過一家人安坐家中都不錯啊~!

晢晢 + 陶陶祝大家

聖誕節快樂~!

MERRY CHRISTMAS~!

  

  

  

  

  

晢晢和媽媽一起造的聖誕樹~!

陶陶的天使造型~!

陶陶以甜美o既笑容向各位報佳音~!

晢晢第一次學校聖誕崇拜獻唱 ~ 17.12.10

呢日係晢晢第一次上台獻唱

不過爸爸仍然喺上海工作中

所以只有媽媽和婆婆捧場啦~!

 

陶陶:『婆婆, 好凍呀! 入得場未呀?』

呢日天氣的確好凍

大西北只有4度

所以媽媽同晢晢及陶陶著咗好多衫以防冷親~!

 

學校借用咗某小學的禮堂作崇拜場地~!

好多家長都有到場支持~!

一開始係唱詩歌時間~!

(足印---係媽媽最喜歡的詩歌其中之一)

之後係信息分享時間~!

跟住就係學生獻唱時間啦! 家長們都開始緊張的為子女拍照/片!

(呢班唔係晢晢果班)

終於到晢晢果班啦! 雖然拍得不太清楚

(主要畀同學遮住咗, 都怪媽媽拍攝技術欠佳, 爸爸喺度就好喇!)

但都睇到d架~!

晢晢不停在un腳

好搞笑!

媽媽喺台下睇住晢晢唱歌

感覺~~~ 既感動又興奮

平日好少聽到晢晢唱學校所學o既歌

不過當完咗崇拜後

晢晢就唔停口咁唱咗好多首詩歌

又會話:『聖誕係慶祝主耶穌生日...』

『耶穌呢? 點解唔見咗耶穌o既? 哦~ 佢復活升咗天啦!』

噢~ 原來晢晢喺學校吸收到不少上帝o既信息

感恩

晢晢好開心收到老師送畀佢o既聖誕禮物, 多謝晒~!

呢日十分難忘

希望明年爸爸可以一同出席啦~!

 

爸爸生日~一家四口@元朗公園 - 12.12.10

12月12日係爸爸生日,蛋糕, 禮物, 大餐... 通通都冇預備(老夫老妻唔駛咯~!), 但就喺爸爸安排下, 我哋一家四口享受咗一個溫馨o既親子遊,大家都好開心啊~!

                             

目的地 --- 元朗公園

住喺大西北咁耐, 都唔知有呢個咁適合一家大細玩o既好地方~! 呢度有好多好大片o既草地, 小朋友嚟到一定好開心~!

晢晢:『帶多塊布, 加個食物籃, 就可以野餐啦~! YEAH!』

一到步第一個遊覽o既地方就係百鳥塔~! 平日搭車經過都會望到, 呢日終於有機會入去參觀啦~! 呢座塔最低四層有不同種類o既雀仔供觀賞, 上面五層就可以讓人360度欣賞風景, 我哋一路沿住樓梯上到塔頂, 感覺好寫意~!

入面有好多唔同品種o既雀仔~

其中一隻一直跟住我哋, 突然發現原來佢識...

陶陶:『隻雀仔講嘢仲叻過我~!』

晢晢:『爸爸, 嗰隻咩嚟架?』爸爸:『a..a..a... 咪雀仔囉~!』

攬住兩個寶~ 真好~!

一直行.行.行...好攰呀! 見唔見到我哋呀?

到塔頂啦~~ 到此一遊~!

從塔頂望出去的景觀, 不錯吧~!

遊完百鳥塔, 留個倩影先! (以為爸爸有影到陶陶, 點知淨係影到BB車... 咁都得!?)

跟住落嚟我哋繼續四處遊, 睇吓龜/魚, 玩吓沿途o既設施, 影吓相... 咁就消磨咗整個上晝啦~!

晢晢:『我喺度睇緊金龜同芝士龜呀~!』

晢晢:『點解呢度咁大雨o既?』

晢晢:『我對手好dirty呀!!』

晢晢為何執石仔執到個樣咁似急屎!? (右圖)

晢晢對沿途健身設施十分感興趣, 單桿可以維持到10秒...

擒高!? 當然冇難度~!

玩咗幾個鐘, 晢晢d電仲未放晒, 唯有玩埋公園繼續放!

玩完公園依然精神!? 晢晢, 你去捉雀仔啦! (捉完果然就好快瞓著)

不得不提! 呢日陶陶十分安靜, 食奶又定時, 可能因為空氣好, 夠舒服~!

『陶陶, 你好識嘆啊~!』

晢晢:『呢度的確好正! 多謝爸爸帶我嚟呀~!』