又開學啦 - 幼潛第一堂 (14個月)

冇見班同學仔三個多月, 終於可以再次聚首一堂啦~~ (係十堂至真~! )

因為啱啱先過完新年, 各位靚女同學紛紛相約穿靚靚唐裝出席~!

而晢晢呢~~ 雖然冇唐裝,  但都唔執輸著咗件老西襯返班靚女~~

晢晢: 呢張相除咗影得我靚仔外, 仲同我背後o既媽媽好似樣~!

"R"腳紳士

到正式上堂喇~! 同上一期差不多, 先唱上堂歌 + 個小搖鈴,

不過呢期要求高咗, BB要坐定定喺凳仔上, 而唔再坐地下~!

到交玩具時, 又提高咗要求, 就係要等到導師叫名先可以離開坐位, 未叫到你就唔可以郁!

當未叫到晢晢時, 晢晢真係坐得好定, 直到梁EE叫 "彭翱晢",

晢晢就起身向前行幾步, 然後將手上玩具交到梁EE個玩具籃中...

之後梁EE叫晢晢: "好! 返埋位", 晢晢就真係好乖咁返埋位!

媽媽見到晢晢表演真係好感動呀!

因為從來冇諗過14個月o既晢晢會做得到咁複雜o既指令~!   

之後梁EE再唱另一首歌仔, 要邊做動作邊唱(大人唱)...
 
"摸摸頭, 摸摸耳, 一直摸到小腳指~~~"

藉以教曉BB認識身體外, 仲鍛鍊BB蹲呢個動作~~~

晢晢要跟梁EE時先肯做...

跟住有障礙賽玩, 晢晢表現唔錯啊~!

好期待下一堂o既來臨~!

天樂面試日

尋日一直好擔心晢晢今日o既表現, 因為面試時間係11am, 正正係晢晢最扭眼瞓o既時間, 不過唯祈禱求主保守~!

 

今朝特登提早餵晢晢食奶, 諗住早D暗佢返瞓, 點知都係要臨出門口30分鐘先瞓到, 到學校門口就醒咗(瞓得15分鍾咋~!); 開頭都好擔心佢唔夠訓而扭計, 點知佢對間學校好感興趣, 周圍行, 老公都好鍾意間學校, 覺得好企理又大, 老師又好nice…

 

In既過程都好輕鬆, 老師問晢晢(指我同爸爸): 佢係邊個嚟架? 晢晢當然唔識答(14個月大咋), 不過一路都面露笑容都算係咁~! 之後到問我哋問題, 大致上問d生活上… 我哋工作時間呀? 日頭邊個揍? 仲有鍾意食乜… 之類o既問題~! 一路晢晢都好乖咁坐喺度…. 到臨走晢晢好乖咁say bye bye同fly kiss, 老師話佢好得意~!  仲送咗個用毛巾整o既蛋糕畀佢~! 而家等埋21號in埋激活再決定讀邊間~!

晢晢的成長發展 – 14 個月

聽得懂的指令/動作:

kick the ball, 掟ball ball同sit on the ball

jump & turn around

arms up & down

touch your toes

sit on the chair

問baby 呢? 晢晢會拍心口

識指belly button (不過有衫遮住時會指高咗)

能不用動作示範也能跟從複雜的指令, eg: 遠距離指住個波叫佢執個波波放入車車度(遠處的), 都能準確做到! 又可以只叫佢:上泥啦(床上)”, “落地啦(床下)”, 都聽得懂!

 

語言:

指住花花同燈叫”靚靚”

行到門口主動say bye bye同飛吻

會叫mummum取食物

會點頭並say “yes”

能清楚區分並講出爸爸媽媽

Can say red, blue, cat

 

大肌肉:

得快咗好多

會自行爬高

 

學習:

能認出生字”apple”, “dog”, “jacks”

能耐心等待我們數完10聲才伸手要我們手上的東西~! 即使是他心愛的餅餅和奶奶~!

 

其他:

食得多咗好多

會趁yoyo不在意時靜靜雞拎走yoyo玩緊既玩具

開始識lur地發脾4!

已出晒上下門牙, 正在出上小門牙

爸爸呢? 媽媽呢?

今日同BK媽媽提起一個甜蜜回憶, 襯仲有記憶記低佢先~~~

 

而家晢晢已懂得分”爸爸”/“媽媽”, 某日屋企因為要換新書櫃而七國咁亂, 我突然無聊問晢晢: 爸爸呢? 佢就笑笑口喺d雜物穿梭, 排除萬難從客廳迫迫迫入書房, 再行到爸爸身邊大力拍拍爸爸大脾叫"爸爸", 到爸爸問: "媽媽呢?", 佢又排除萬難, 一路哈哈哈哈笑住走出廳拍拍我叫"媽媽"~~~

 

好鬼sweet呀~~~

洗校記

今日我做咗件人人都話我好傻o既事, 就喺特登請假去睇學校, 仲一次過去咗3間, 小插曲係本來想同晢晢拎埋passport, 但到咗西鉄站先知帶漏咗最重要o既嘢 ---- 就係忘記咗帶晢晢… 問你c未!? 唯有返轉頭…

 

今日真係好攰, 見天恩時個校長好後生, 又畀到好多資料我, 不過佢係全日制, 校舍又細, 都係唔係好捨得/忍心要晢晢咁細個就返全日… 都係算啦~!

 

資料: 呢間係全日學校, 學費n1$26xx, k1$16xx, 全校100人, 每級一班, N1暫時13人, K1開始around35人, 分小組上堂, 每日有中英文堂, 西人每星期二半個鐘, 英文有兩套教科書. 上體能全校一齊上!

 

到天樂, 呢間係一個書記帶我行及講解(佢開頭唔係好信我係媽媽, 哈哈~!), 佢都介紹得幾清楚… 呢間個環境唔錯, 又有半日, 但冇宗教, 又冇乜人入李宗德… 但勝在夠近, 有半日, 學費 N1 $17xx, K1 $9XX

 

英藝, 副校帶我行咗一轉及簡單介紹間學校, 簡單到都唔記得d重點!? 學費$28xx雙語班… $30張表格(我買咗@__@), 20人升李宗德, 其餘天天...

 

天恩同天樂我已經順手交埋form, 連埋之前已報咗名o既激活, 一共報咗3間, 而家就要等通知interview 啦!!

第一輯自家製証件相 (14個月)

因為要準備報幼兒園, 所以特意同晢晢喺屋企影一輯証件相, 自己影, 可以盡善盡美嘛~~!

不過晢晢好古靈精怪呀~~!!

 

最後脫穎而出!!!

 

晢晢的成長發展 – 13個月

手部動作:

touch your head, ear, nose… where is your mouth? (會開合口), hands up, 恭喜(請請), 畀畀, 掟, eeeee(升高物件for a while) , bye bye, hello, hi (揮手), fly kiss, clap, open & close hands…, 擺, 會開盒蓋, 撕碎紙張, 自行拎奶樽直至吃完整支奶,能舀食物並放入口中進食(但未太企理, 需加強訓練), 能疊積木

 

語言:

爸爸, 媽媽, 掟, mummum, 奶奶, cat, dog, duck, quack quack, moo, play 呀 (叫人開DVD), mouth…

 

大肌肉:

12.5個月會行, 近日已可垂低雙手, 不需再舉高手平衡, 能蹲低, 能沒有扶手下自行企直

 

自理:

大概11個月開始能表達想all boo boo, 每晚睡前會自願地刷牙

 

睡眠:

半夜已不需吃奶(自從11個月), 現在一般能連續睡超過8個鐘(未達標tim~!), 下午一般有1-2次小睡, 大概2個鐘(又係未達標)… 昨晚能於沒有奶咀情況下自行在bb床入睡!

 

學習進度: f

lash card(eng)大概只能每日一次, 每晚一次睡前故事時間, 每日看your baby can read 至少一次! World family大概一次