唉… 愈想train愈train唔到…
尋晚已經盡早返到屋企, 諗住就算佳佳夜返我都頂硬上陪晢晢睇碟, flash card同疊積木, 點知8點幾晢晢就訓到隻豬咁, 10點幾叫醒佢食奶+換衫, 諗住搞醒佢, 點知搞完一輪都係ur一聲照瞓, 仲瞓到今朝7點幾先醒! 所以咩都做唔到…
不過都好, 尋晚我好難得好早就沖晒涼搞掂晒所有嘢同晢晢齊齊訓覺豬~! 佳佳返到泥我哋已經訓到好冧lu~~~
好啦! 就畀大家抖一日咁多啦! 不過今晚要做雙倍補數喇!!! 嘻嘻~!
2009年3月9日 星期一
晢晢的語言發展 - 15個月
晢晢識講o既生字...
爸爸, 媽媽, 媽咪, mum mum, 奶奶, 包包, no喇, dog, cat, blue, red, play, banana, mouth, 靚靚, 抺抺, 街街, bye bye, cup, 車車, 襪襪, shoe shoe, 打打, kick, 掟, wow wow, 鴨鴨, duck, 波波, 唉吔, bath bath, yoyo...1,2,5,7,8,10, A, B, C, D, E, G... 叻叻, cow, green, pink, jacks, keys, minnie, mickey, bat, mat, bb... 應該仲有但諗唔起...
2009年3月6日 星期五
2009年3月4日 星期三
奇案
今朝我屋企發生咗件怪事! 婆婆突然發晒矛打畀我話Yoyo無啦啦反鎖咗喺我間房, 我叫佢冷靜d, 叫工人看實晢晢, 然後去樓下搵看更幫手, 又叫佢開我工具箱拎羅絲批撓門!!
不過好奇怪, 因為我同佳佳都好肯定度門有sip “c”型膠, 冇理由閂得埋度門!!! 我好想知到底發生咩事呀!!!!
06/Feb/09後記:
事發後我打畀婆婆搞成點, 佢話已經撓開咗度門救返Yoyo出泥, 咁我問佢見唔見門上或者附近有“c”型膠? 佢話唔見…
直到當晚我返到”案發現場”, 怪事接二連三…
明明話撓過門, 但門鎖完好無缺…
明明話冇見過舊“c”型膠, 但舊膠就喺度門上面…
好似冇事發生過一樣!!!
究竟點解咁架!!!???
晢晢叻仔嗎?
前幾日冼太如常上嚟屋企接晢晢去婆婆度, 佢見到晢晢好乖咁聽我指令tidy up, 佢就話晢晢好醒目, 如果有適當栽培一定無得頂…
尋日同一位0712媽傾開電話都有提到類似話題, 佢講到佢老公都覺得晢晢無論大小肌肉, 語言都發展得幾好, 又覺得我都有心訓練亞B… 又提到幼潛導師有分享過如果BB特別標青就可以落多d力train佢, 目的唔係谷, 而係配合返佢程度, 我覺得都好有道理呀! 我睇返晢晢學嘢時真係會好開心咁而唔係覺得我迫佢, 咁證明我而家做o既係配合緊佢而唔係谷啦~~~!
不過我呢個新手兼天生論盡o既媽媽, 其實教仔都冇咩系統, 只係做到幾多就幾多, 一直我同晢晢都好樂於呢種”學習模式”, 不過當聽到原來晢晢都發展得唔錯時, 我就開始變得緊張, 每日放工都好想盡快返到屋企, YBCR DVD, flash card, sliding card, 疊積木, 畢通粉, 掟波波, 教講嘢, 教discipline… 總之做到幾多就幾多, 好怕浪費咗晢晢吸收知識o既黃金時間…幸好晢晢仲細未感到有壓力, 相反仲覺得好happy, 我亦覺得佢好乖, 好聽話~~~ 不過我就feel到自己有壓力…
近來又緊張報幼潛事宜, 呢一期上到4月尾就完結, 下一期報名deadline係下星期一, 今次我哋再一次以包班形式報名, 雖然明名機會好微, 但…又係做到幾多就幾多, 仲有唯有靠祈禱… 其實我好旁惶, 如果5月後真係冇得上幼潛我會冇晒方向, 唔知點教晢晢, 又唔知佢達唔達標, 又唔知佢咁多個月冇d circle activity到明年1月開學時會唔會表現唔好…. 尤其佢愈大會愈懂事, 會好識表達自己意思, 呢個階段教得唔好會影響到佢將來… 唉…. 都唔知點算… 神呀! 求你為晢晢預備啦!!
2009年3月2日 星期一
Your Baby Can Read – Sliding Card
呢個星期一我收到sliding card喇, 急不及待開咗畀晢晢玩, 唔駛幾分鐘已”r”爛咗兩張要嗱嗱聲用痴膠紙返, 但我諗起佳佳一句” 呢d先係成長印記” 咁我心情就輕鬆好多~!
晢晢真係好叻, 原來不經不覺已經認到好多字, 有d字仲識讀, wave見到就識揮手… 真係好叻…
認到的字: dog, cat, clap, elephant, nose, mouth, wave (叫佢point/pick up某張card佢能準確指/拎到畀我~!)
能讀的字: keys, cat, dog, mouth
2009年2月28日 星期六
第一次爆江
媽媽大鑊啦!!! 晢晢撞到個頭爆江呀!!! 嗚…嗚…嗚…
今日因為婆婆佢哋又去咗大陸玩, 新工人又未到, 我就要獨力帶亞仔返公司, 終於出咗事喇..
帶佢去canteen 時佢唔小心撞咗落枱角度, 個頭即時流血, 當時個心都驚驚哋, 但好在唔算流太多血, 晢晢又唔係喊得好勁我個心先定d…
我即時抱晢晢返上office, 開咗個急救箱搵綿花+黃藥水同佢止血+洗傷口, 不過佢傷口仍然不斷少少少少咁滲血, 都冇法, 我見佢已經冇喊, 應該冇大礙, 我就抱返佢落canteen食早餐(order咗冇理由唔食埋佢架~!)
之後晢晢個頭都係一直滲血, 因為佢郁動大, 咁我唯有隔一陣就同佢印一印, 直到佢攰到訓著咗就同佢貼膠布(實痴甩d頭髮, 不過冇計)
我打畀爸爸話佢知晢晢撞到個頭佢d聲氣勁衰~! (明o既, 佢緊個仔啫~!), 到放工時約咗爸爸喺葵芳會合, 一見到晢晢時就一手搶咗亞仔檢查, 不過晢晢除咗多咗塊膠布, 個人都好精靈~! 爸爸都冇咁擔心喇~!
晢晢, 你整咁大鑊嘢媽媽歎, 下次唔帶你返工喇!!
訂閱：
文章 (Atom)