呢日晢晢幼潛同學仔o既Daddy & Mummy好有心,
山長水遠咁走到嚟大西北探望我哋妹妹~!
又有機會畀班小朋友聚一聚,
真係好喇~!
呢日算是齊人!! 好熱鬧~!
Anna每次嚟到都要玩吓巴斯光年~!
呢日呢班媽媽朋友提點咗好多有關餵人奶要注意o既地方,
又提醒媽媽『要對自己有信心』
經過一個星期o既實踐,
媽媽餵奶o既路已順咗好多!
真感激大家!!!
爸爸媽媽間房變咗小影院, 個個睇到眼定定~!
OH!!! 晢晢變咗人肉SOFA!?
晢晢突然咁受歡迎!? 皆因手上有提子~!
哈哈~~個個都跟住晢晢~!
逗留到中午,
仍坐月中o既媽媽又偷雞跟大家去飲茶,
食咗好多美味o既點心!
又喺嵐嵐媽協助下,
第一次嘗試於酒樓內餵奶,
原來用餵奶巾真的好方便!
呢次經驗真好,
媽媽會多加練習,
日後帶妹妹出街就少d顧慮啦!!!
飲完茶大家相約到公園玩,
可惜晢晢冇用豬太攰瞓咗,
到瞓醒時見到冇晒人先問:
『D小朋友呢?』
OH...太遲了!
希望下次有機會再相聚啦!!
媽媽坐月, 晢晢就好似跟埋媽媽一齊坐月咁... 平時喺婆婆屋企, 瞓醒午覺姐姐都會帶佢去公園放放電
一年前我哋同晢晢玩呢d設施都要跟上跟落, 而家已經可以好放心畀佢自己玩咯~!
黃巴士~~ 晢晢見到一定唔會放過~!
果然係...
晢晢:『我係司機叔叔嚟架!』
玩到四點幾, 就收到爸爸電話話『返緊嚟』, 但隔咗一陣爸爸又打嚟話:『我哋未走呀! 晢晢話要排隊拎波波喎!』媽媽覺得好奇怪:『晢晢一向對呢d波波冇興趣過喎, 無啦啦又要拎都有o既!?
晢晢:『排咗好耐啦... 到我未呀!?』
返到屋企, 晢晢一入門口就大叫:『妹妹, 妹妹, 我送個波波畀你吖~!』... 噢!!! 原來晢晢排咁耐隊係為咗送個波波畀妹妹~~~ 真抵鍚~!
晢晢:『我今日好乖, 笑住同爸爸say BYE BYE架!』
上課情況:
今堂由Kevin哥哥帶堂, 一開始係音樂部份 --- 認識『d r m f s』~! 首先係唱歌仔warm up, 晢晢好投入又願意大聲唱, 而且能帶動氣氛, Kevin哥哥話好欣賞晢晢咁唔怕醜喎~!
之後開始配合簡單o既歌仔及動作教小朋友認識『d r m f s』及『s f m r d』, 歌詞:『請你企起身(d r m f s)』讓小朋友明白上音概念, 相反, 歌詞:『請你坐下來(s f m r d)』就掌握下音概念。晢晢對上音掌握較好, 但下行音有時會只哼到個音, so fa name會調亂咗嚟唱, 而且有時會掛住唱而忘記做動作~!
然後Kevin哥哥再彈出小朋友個名(例如晢晢個名係: d m f), 晢晢終於認到自己個名個音!! 之後再畀小朋友埋鋼琴彈, 晢晢表現不錯, 冇拍琴, 坐得好直, 彈奏時會左右擺動表現陶醉, 會嘗試用不同手指彈... 睇得出佢好enjoy彈琴~!
到課堂下半部份 --- 生活認知~! 呢堂係畀小朋友玩漏斗, 一開始Kevin哥哥問: 『漏斗可以載d乜? 』晢晢諗一諗之後就答:『漏斗可以載飯』, 好無厘頭, 但Kevin話答案可以接受喎~!
之後Kevin哥哥叫小朋友鬥快放豆入樽, 晢晢一聽到『鬥快』就一乍豆咁放入樽, 後來晢晢發現豆會跌, 就改用前三指拎豆, 開始係一粒, 慢慢就可以一次拎幾粒~! (果然係從經驗中學習~!
然後Kevin哥哥用紙摺咗一個圓柱體及一個圓錐體(漏抖狀), 問小朋友:『邊個可以做漏斗?』晢晢能正確分辨而且能正確使用(冇上下調轉)~!
之後改用匙更舀豆入樽, 大至上能做舀o既動作, 但當舉高手倒入樽時就有d唔穩陣, 豆會跌, 要加強練習~! 最後Kevin問:『用漏斗難d定用匙更難d?』晢晢會答:『用匙更難d!』(再一次從經驗中學習
