早前晢晢學校正在教不同的職業, 其中一個是『廚師』, 而書本中的『廚師』正是一個麵包師父~!
年初六的晚上, 媽媽放工回到家, 喺屋企吽足一日的晢晢一見到媽媽就嚷著:
晢晢:『媽咪, 我想做廚師, 整麵包呀!』
一頭霧水的媽媽:『吓, 點整呀?』
晢晢:『我想玩麵粉呀!』
哦~ 原來想玩麵粉… 估唔到咁耐冇接觸過, 又會突然忽起條筋想玩
已經3歲的晢晢, 媽媽唔想就咁畀d粉你玩吓就算, 所以過程中媽媽不斷要求晢晢講出對麵粉的感覺, 藉此考考佢對形容詞的運用, 表現唔錯啊~!
『麵粉未加水係乾o既~!』
『太多水喇, 黐立立o既~!』
『舊麵粉團係軟o既』
『麵粉而家未熟, 要煮熟先食得架!』
(略...)
此外, 當然都要考考晢晢的小肌肉能力, 時而要佢搓長條, 時而要佢搓成一塊塊『餅』… 咁就玩咗半個鐘~!
而且整過遊戲過程都由晢晢一手包辦, 包括加水/加麵粉, 以及事後收拾工具, 抺枱等, 咁又可以訓練埋自理能力~!
一包過期麵粉, 就(美其名)訓練咗三項能力, 勁呢~!
最後晢晢要求:『我哋拎去煮吖好唔好呀?
隔咗咁耐先紀錄, 一來忙,. 二來艾篙愈來愈隔得耐先report, 有時甚至上咗兩個星期, 然後第三個星期先一次過report上兩堂o既情況, 久而久之, 媽媽就變得冇咁積極去急於紀錄(橫豎都遲開咯)…
其實今次呢兩堂, 媽媽本來都想側側膊
第14堂 08.01.11
大肌肉+手眼協調
邊碌波波邊走『8字板』, 晢晢manage得唔錯
之後要跟小朋友合作傳波波, 先用一個彎曲的盤盛住波波走, 然後走到小朋友面前就倒到對方碗中~! 晢晢表現有點心急, 所以時時都會跌, 跌咗幾次更意圖放棄
音樂部份
玩敲擊樂器, 包括: 碰鈴, 木槌及三角鈴
碰鈴 – 晢晢初接觸時只當喳喳用, 後來經指導後學會用『碰』o既方法令碰鈴發聲~!
木追 – 開始只懂敲, 不會刮, 後來Kevin哥哥教佢刮佢先知原來木槌可發出呱呱聲~!
三角鈴 – 一拎起會識講呢個係『三角』, 但唔識叫『三角鈴』, 幸好佢知道係用支棒敲打發聲(因為之前玩過~!)
之後Kevin哥哥安排每位小朋友扮演唔同動物並操作不同樂器, 及按指定排序打出節奏, 晢晢表現麻麻, 要提先做到
第15堂 15.01.11
數學 + 大肌肉
有1-10的數字咭, 晢晢認讀及排列大小都表現不錯
下一個遊戲是傳大波波! 當走到垂直的呼拉圈前, 因大波波直徑比呼拉圈大, 有些小朋友會不知所措
最後一個遊戲是『打筋斗』, 呢個係晢晢強項
噢… 紀錄完了… 媽媽真的好唔捨得啊!!
畢竟當初媽媽毅然放棄N1來參加艾篙課程, 而家要暫別, 心情總有點失落…
回想呢半年, 真的好感謝Surmen 姐姐及各導師用心的教導, 讓晢晢於學前有更好的準備~! 而每次詳盡的反饋, 亦讓媽媽更了解晢晢的進度~!
要感謝的, 當然還有婆婆
最後要多謝當然是晢晢爸爸, 喺媽媽籮咁大個肚及妹妹初出生的階段時樂意晨吉咁早自動自覺帶晢晢去上課, 讓媽媽安心… 呢一切, 媽媽都會記喺心裡…
多謝的說話說不完… 所以… 暫時到此為止…
希望不久將來可以再次參加艾篙課程啦~!
