幼兒樂園放學後, 由於係最後一堂, 所以我哋成班家長都不怕勞苦, 山長水遠帶住班小朋友走到尖東站上蓋平台齊齊再聚玩BUBBLES… 雖然遊戲好普通, 但就留下許多歡樂時光~!
BUBBLE中的小孩
媽媽極愛晢晢呢個笑容
排排坐合照~ 好乖啊~!
咩是個個望向天? 原來有airplane經過… (唉吔! 遮咗曈曈添!)
斜陽下的小孩特別可愛
同晢晢影多幾張先~
狗仔隊又拍到晢晢同Wincy「親密照片」!
晢晢點解喊啊? 因為Anna拎咗走佢個Thomas波波咯! 醜怪!
(自此晢晢對Anna印象深刻, 除咗閒時都會問「Anna呢?」, 一見到Anna張相就會大叫「Anna呀!」, 又, 當拎起Thomas波波就會話:「Thomas呀~ Anna, NO! 晢晢架!」) 原來晢晢都幾記仇!
多謝Carman姨姨請隻燒賣啊~! 晢晢:「umm~~ YUMMY!」
呢日真係玩得好開心, 好難忘~!
無奈終需分別…
希望再有機會約出嚟玩啦!
時間過得真係快, 終於到最後一堂喇
今堂晢晢終於玩新玩具喇
今堂首半段同以往一樣, 先坐定定唱歌仔… 交樂器…
唱完歌仔就開始競技遊戲(醒晒~!
遊戲一: 運汽球
小朋友要與爸爸/媽媽合力用手將汽球運到對面個籃! 秘決係要合拍! 不能快過/慢過對方~! 而且不能一個人獨力運, 一定要同父/母配合~!
晢晢同爸爸果然係兩父子, 一拍即合~!
遊戲二: 創造創舉~!
睇吓小朋友一次能拎幾多個汽球~!?
晢晢試咗兩轉都係拎到3個咋!! 曈曈, 穎穎同嵐嵐最勁, 4個!
遊戲三: 運蛋(唔係, 係運乒乓波
小朋友與父/母每人拎住其中一邊毛巾角令其攤開, 中間放乒乓波, 然後合力將乒乓波運到對面~! 秘決都係要合拍! 拎毛巾時不能邊高邊低, 要配合對方高度, 其次係要專心! 一分心忽略平衡的話, 乒乓波就會溜走…
難道晢晢與媽媽不是母子, 為何如此「雞手鴨腳」
換上爸爸又如何? 點解同爸爸就玩得咁好架
玩完遊戲, 洗洗手, 就開餐咯~!
今堂最後一堂, 食物特別豐富, 其中一食物係綿花糖
<是日美食>
晢晢:「last一堂都係得水咋!? 開少少利賓賓都好吖!
今日媽媽成了狗仔隊, 拍到晢晢茶點其間經常跟Wincy媚來眼去~!
放回餐具, 拎過手冊同學習檔案就正式放學lu…
課後感: 呢個課程雖然唔及幼潛時, 時時都有突破同驚喜, 但課堂模式同內容對於N1入學前準備的確好有幫助! 而且婷姨姨確實對教導小朋友好有心得, 所以媽媽最後決定多報一期, 希望晢晢能有更好o既裝備, 迎接明年二月開學~!
晢晢B, 加油呀!
因為下一期只有2-3位同學會繼續參加, 所以… 啫係話晢晢B要同5-6位同學分開喇
… 真係極度極度唔捨得!!! 希望大家有時間再約出嚟聚聚啦~! 晢晢都會時時掛住你哋呢班「青梅竹馬」o既好朋友架~! 
~競技遊戲片段~
