陶陶兩個月啦~! 10.12.10

陶陶今日2個月大啦!

陶陶:『好多人話我似男仔, 加隻夾會唔會好睇d?』

媽媽望住工人姐姐抱陶陶時...

突然發現

『乜妹妹大件咗咁多o既!?』

再望望月曆

OH... 原來陶陶已經2個月大啦!!!

 

三老表第一張合照

今朝心血來潮

替陶陶換上朋友送的新衣

明明係3mth size

但陶陶穿得剛剛好

果然大得快~!

 

陶陶:『我好大食架~ 食極都唔飽o既~!』

陶陶猛長期特別長過人

無論媽媽食幾多增奶產品

仍然供不應求

明天就要到健康院

睇下您呢個月重咗幾多先~!

 

陶陶:『我估我重咗2磅到啦~~ 聽日開估~!』

陶陶的頭髮也長得好奇怪

一直都係一字排向上生長

到底幾時先會向返下呢!?

 

陶陶:『雞冠頭係今年最in既髮型~!』

陶陶日頭的睡眠時間仍然好少

放低佢唔夠十分鐘就醒

媽媽試過抱足一日

攰到極點

真想把陶陶質返入肚...

 

陶陶:『wei wei wei... 快d抱我!!!』

 

陶陶第一次出『遠門』

(其實只係去荃灣帶晢晢返PG)

影張相留念先!

 

陶陶:『聖誕就到~ 預祝各位聖誕節快樂~!』

                                         

心血來潮加上的照片~~

同攝於2個月大時, 穿起同一件衫, 已經冇出世時咁似樣lu~~

但係喊起上嚟又幾似喎~~

                                      

陶陶生長紀錄:

體重: 12月11日於健康院磅 --- 5.38kg (11.8 lbs)

身高: 59cm (姑娘話陶陶好高, 達90%)

頭圍: 39cm

其他: 已服食輪狀病毒疫苗(食到lamlam脷), 已接種4合1及肺炎鏈球菌疫苖~!

艾篙PLAYGROUP 2 - 第十一堂 - 04.12.10

呢日媽媽同妹妹都有出動帶晢晢返Playgroup~!... (唔知有冇記錯呢? 媽媽生咗妹妹咁耐, 好似『出門』最遠呢次lu~~ )

上課情況:

今堂主題係食物... 首先係考嗅覺, 有三個蓋著紙巾的杯, 內裡分別有朱古力, 檸檬及薯片, 小朋友要靠嗅覺辨別杯中食物~! 晢晢表現...

朱古力 --- 講唔出係朱古力, 但形容係『香甜o既』(又會形容得咁文雅o既?)

檸檬 --- BINGO! 而且講得出係『酸o既』

薯片 --- 又係估唔到, 不過形容到係『咸o既』

之後係製作菠蘿腸仔~! 開始前婷姐姐要求小朋友先諗吓個步驟, 晢晢能講出要用刀切, 要拮... 等, 概念清晰~!

用刀方面, 晢晢做得不錯, 懂得做拉鋸動作! 而切菠蘿時, 晢晢更懂得用义固定先切, 表現突出!   此外, 晢晢切每舊 菠蘿 / 腸仔的size都是差不多的 (婷姐姐本身冇要求平均切的!), 可見佢有『平均分配』的概念~!

到穿菠蘿腸仔環節~! 婷姐姐畀一張相作參考, 然後小朋友要跟據相片中菠蘿腸仔的排烈穿起菠蘿腸仔! 看似簡單, 但原來頗有難度! 因為人觀察物件一般都係由上而下, 但穿菠蘿腸仔剛相反係要由下而上觀察, 否則就會穿出相反o既排序, 晢晢正正就出現呢個問題! 幸好經提點後晢晢知道自己有錯, 並且能自行更正!

到下一環節 --- 食物金字塔 (食物分類)

晢晢表現...

脂肪, 油及糖 --- 最清楚呢一層, 知道它們屬同類, 而且知道應該吃最少!

奶, 肉及魚類 --- 大致上分到, 除了魚, 晢晢有點迷茫, 好似唔知魚係屬於肉類, 要再三解釋後先明白~!

蔬果類 --- 能準確分到~!

五穀 --- 大致上分到, 唯獨未能肯定粟米片鬆五穀類~!

最後婷姐姐問晢晢那一種食物應該食最多, 唔知係咪因為我哋講得多, 晢晢竟然答:『要食多d菜菜』... 婷姐姐引導晢晢:『你睇清楚邊行最闊?』, 晢晢先識答:『要食最多飯~!』

下課後代婆婆選購單車, 作為晢晢的生日禮物~!