做實驗 (3Y7M) 18.07.11

又是回家沒事幹的時候, 見晢晢上足一日暑期班都仲咁好精神, 就開檔同佢玩遊戲~!  呢晚我哋玩嘅遊戲係『做實驗』… 講得好pro, 其實只係試下鹽水同糖水的味道而已~!

未加水前, 晢晢都分唔到邊杯係糖, 邊杯係鹽~!? 加水後, 嘻~其實都係分唔到, 唯有叫佢估下, 然後試試味~!

第一次已經估中糖水, 晢晢個樣幾得戚~! (陰陰咀笑)

超傻瓜的晢晢, 為咗滿足媽媽拍抵佢飲鹽水的苦況而甘願飲下鹽水, 話佢傻定話佢聽話好呢???

陶。酒渦小手(9M1W)

有『酒渦』的小手是很吸引的

看著看著

會令人勾起許多回憶…

 

由初初細細軟軟的

到現在會拿東西

會拍手

會bye bye

會扯媽媽的頭髮…

 

看看晢晢哥哥的手

噢… 原來不知不覺間

那些『酒渦』已經不見了…

趁媽媽還記得

立刻拍下陶陶的『酒渦』小手

讓將來回味回味…

暑期一週回顧<3Y7M) – 18~22.07.11

在媽媽『不經意』的安排下, 晢晢的暑假變得很『充實』, 有朋友曾建議媽媽, 要好好紀錄一下晢晢的『心路歷程』, 看看一個3歲的小朋友在如此密集式的活動下會有何反應!? 媽媽現在就紀錄一下…

暑假第一週…

星期一, 晢晢早上還要上學, 放學後就開始『暑期生涯』… 由早上8:30至下午5點, 中間有2小時休息時間, 精神狀況還可以~! 訪問下亦得知晢晢都幾喜歡這天的活動~!

星期二, 由早上直踩到下午4:30, 中間冇休息時間… 或許這天的活動消耗體力較多(話劇 + 跆拳 + 英文), 又冇時間回氣, 所以明顯地晢晢好攰, 晚上和爸爸媽媽坐在梳化看電視時, 突然話:『爸爸, 我好凍呀!』然後就喺窗台拎張被仔再伏喺爸爸旁邊, 唔駛1分鐘就瞓著~!

星期三, 可能前一晚早瞓, 又或者已經開始適應, 呢日就算由早上11點直踩到下午5點都仲『頂得住』, 晚上仍精神奕奕的向媽媽展示他於手工藝班所做的製成品~! 不過當訪問婆婆時, 她的comment是:『唉, 日日都咁忙, 有得食就冇得瞓(指午睡), 有得瞓就冇得食, 都唔知顧得邊樣… 不過佢又開心嘅』好彩有最後一句啫~! 辛苦婆婆了~!

星期四, 算是比較『清閒』的一日, 因為只得2班, 3點就可以『收工』~! 呢日上的珠心算班其實已經是第二堂(因為是恆常班, 暑假前已經開始咗第一堂), 晢晢學得不錯, 回家能自行完成家課, 證明老師所教的都吸收到~! 而且上課表現都似乎不錯, 兩堂老師評分都是A~!

星期五, 算是最繁忙的一天, 由早上10時直踩至下午6:30, 本來中間有午睡時間, 可惜晢晢一直瞓唔著…

呢日第一次上游泳班, 晢晢一向膽生毛, 愛玩水, 媽媽唔擔心佢怕水, 只擔心佢唔肯跟導師做熱身(因為想盡快跳落水), 幸好晢晢都好聽話~!

星期六, 中午12點返合唱團, 媽媽2點多放工返到屋企晢晢已經午睡中, 可惜3點多又要畀媽媽叫醒學結他, 幸好已是最後一次! 呢間琴行已被媽媽blacklist!

暫時來講, 情況尚算樂觀, 且看第二個星期情況如何~!

相約好友在馬灣<3Y6M / 8M3W) – 03.07.11

7．1．假期爸爸放咗自己一日假,  以為之後的星期日又會忙於工作, 但爸爸郤出奇地提出:『不如約埋星期日去馬灣游水+食德國菜, 你問埋晢晢D朋友仔得唔得閒啦~!?』… 結果媽媽有幸相約到Anna一家和嵐嵐一家出席~!

晢晢:『帶埋支閃電王水槍先~!』

陶陶第一次到沙灘, 對沙和水一點都不抗拒, 一到步就不停挖隆! 又四處爬~! 好在未喜歡到連沙都食~! 哈哈!!

嵐嵐和Anna未到, 晢晢已經變咗粒『雷沙湯丸』

仲碌埋地沙... = . = ...

不久, 嵐嵐和Anna都到了, 爸爸和晢晢輪流被『活埋』!!

後來爸爸化身壞人用水槍追著小朋友來射! 嚇到佢哋wee嘩鬼叫四處跑! 最後更嚇到佢哋跳晒入隆裡面呢埋!!! 場面好搞笑!!!

呢日陶陶完全唔捨得瞓, 無論媽媽點噯佢都一直眼碌碌, 所以媽媽都冇乜機會陪晢晢玩咯~! (不過媽媽都好享受嘅~!)

陶陶的招牌豬咀表情~!

收拾好行裝就一起吃德國菜~! 可能玩足全日好肚餓, 所以連食嘢最曳的晢晢都肯坐定定吃了幾口, 媽媽已經很滿意咯! 初初媽媽還擔心晢晢會『帶壞』嵐嵐和Anna (怕佢引到人哋搞搞陣唔肯食嘢), 幸好大家只是你叫下我, 我叫下你, 時而嘻嘻哈哈… 一直都係坐定定的, 媽媽先安落d~~~

媽媽至愛的烤豬手~!

很愉快的一個假期~! 希望再有機會約出嚟玩啦~!