近來時常都喺人生交叉點爭扎! 明明好攰, 都撻咗上床, 但總係覺得差幾日就歲半都唔捱埋落去好唔抵, 又彈返起身泵奶...
直到5月27日, 因為老公工作要開通宵, 加上晢晢呢晚特別夜瞓... 冇心情, 加上攰, 我冇泵就瞓, 直到第二朝, 又因為一個人揍仔, 冇時間... 到夜晚, 爸爸返到嚟一齊游水, 之後我又好攰, 再一次冇泵...
到星期五, 可能因為食得太多(出咗去食菜飯), 開始有d谷唔舒服, 就去咗泵咗3oz出嚟, 直到今日, 我都冇泵, 都3日喇, 冇乜谷既感覺, 我諗… 完了… 晢晢, 我諗你要跟媽媽奶say goodbye喇~! 最後一次食媽媽奶係2009年5月30日早上(3oz雪奶)…
真係好唔捨得! 雖然我一直只係一個全泵奶媽, 但果種無可取締o既關係真係冇嘢可以代替到! 而且呢d嘢一收, 就返唔到轉頭...
好遺憾差幾日就到歲半目標媽媽都唔捱埋佢, 但另一方面又好proud of 自己可以餵到人奶咁耐, 尤其作為一個全泵... 呢份毅力除咗源自母愛就再冇其他理由...
晢晢, 媽媽完成唔到目標心裡面真係有點難過... 不過你放心, 媽媽停奶後唔會偷懶! 媽媽會用多出o既時間, 為您做更多!
你已经好叻喇...目标系要黎调整架嘛...顺应自然会开心D~~~
回覆刪除多事讲多句:书都系咁讲,不要太紧张子女,你的生命还有很多其他野的...
[版主回覆07/01/2009 18:20:00]我鍾意你呢句"目标系要黎调整"~~ 哈哈~! 諗落又係o既, 可必咁執著~~~ 不過太緊張個仔呢... 我唔緊個仔就好似冇咩緊咁wor...
1.你系咪双子座架?
回覆刪除2.緊張--我既意思系指对件事(养育)既态度,无须太紧张,可以放轻松点...否则将会有太多机会,太多事情让你哭了~~
[版主回覆07/01/2009 19:41:00]1. 雙子座~!? 你問過啦, 唔係呀~! 你話如果你係星座小王子就會話我畀咩咩星影響到丫嘛~~
2. 明呀, 其實我開頭只想好好把握呢3年, 正所謂3歲定80, 呢3年處理得好咁自己將來好教d啫~! 不過慢慢... 或者... 不知不覺間變得過份緊張, 教會d朋友有時都會咁話我~~ 不過佢哋又話"咁先係我wor"~!