妹妹滿月了 - 10.11.10

今日妹妹滿月了!!!

妹妹:『點解我大得咁快o既?』

短短一個月,

妹妹已有好大變化,

最大變化莫過於妹妹個頭形,

明明出世時成粒魚旦咁,

而家變咗啤梨頭...

而家妹妹張開眼o既時間都多咗,

時時定睛望人,

只要見到身邊有人,

就會有安全感...

妹妹頸仔都有力咗好多,

時時左拎右拎,

又試過抬起少少個頭,

好犀利!!!

因為今日係星期三,

個個都要返工,

所以都冇安排咩嘢慶祝節目,

等到呢個weekend,

我哋就會為妹妹安排一連兩日o既滿月飯,

到時媽媽再同你著靚靚,

影靚相啦~!