波子畫(3Y8M) – 30.08.11

又是放工回家沒事幹的時候, 今晚想到跟晢晢玩 --- 波子畫~~~

媽媽知道晢晢兩歲多時喺艾篙玩過, 而家已經3歲8個月, 當然要來個ADVANCE LEVEL, 媽媽刻意拎個淺一點的托盤, 又多放幾粒波子考考晢晢手部的平衡力~! 吖~ 又控制得唔錯喎~~

晢晢小心翼翼地搖動托盤…

記得以前在艾篙, Kevin哥哥形容晢晢玩呢個遊戲時亦係好小心地搖動托盤, 但就小心到幾乎唔郁! 結果幅畫嘅顏色主要集中在中間!

差不多一年後,手部靈活不少的晢晢已經會放膽將波子左碌右碌, 有時見到邊度d顏料多咗更會刻意將波子碌過去令其碌散, 好大進步啊~!

踏入K2, 晢晢要開始寫較複雜的字了, 做多d呢類活動鍛鍊下小手肌都唔錯啊~!