一隻只得三個位的船 (3歲10個月/1歲1星期) - 20.10.11

這天晚上, 爸爸向晢晢提出了一條問題, 就是那些『兩個跌咗落海, 你會救邊個先?』, 那種用來衡量你有多愛我的問題….

爸爸:『晢晢, 如果我哋要過河, 但只得一隻船, 而隻船又只得三個位, 咁比邊個坐好??』


晢晢:『爸爸, 媽咪, 晢晢, 妹妹…』


爸爸:『都話得三個位咯…』


晢晢:『咁媽咪抱住妹妹咪得囉!』


爸爸:『唔得! 一定只可以坐三個人!』


晢晢:『咁媽咪, 妹妹, 晢晢啦!』

爸爸:『咁爸爸咪冇份?? 不如妹妹唔好上船啦!』

晢晢:『唔得! 我要妹妹!』

爸爸:『咁不如媽咪唔上船喇!』

晢晢:『唔得! 唔得! 唔得! 媽咪一定要上船!』(差點想喊!)

爸爸:『咁不如爸爸唔好上船喇!』

晢晢很快的答:『好呀!』(笑了, 像鬆了口氣似的!)

 

 

一陣笑聲背後, 其實也反映了爸爸在晢晢心目中的位置動搖了…

 

爸爸要發展事業, 媽媽當然不反對, 但實在要找個平衡點! (相信這點爸爸是明白的)

 

其實媽媽也明白, 爸爸已盡了力把所有工作以外的時間都投放在孩子身上, 可惜孩子是不會懂得這樣算的…

 

他只會問:『爸爸仲未返嘅?? 幾時先至早返呀??』

 

又或者說:『爸爸好耐冇同我一齊沖涼啦!』

 

還懂得這樣說還好, 因為他仍掛念爸爸, 最怕連問都不再問, 那爸爸真的地位不保了…

 

在可見的將來, 相信爸爸的工作量只會有增無減, 只願在每次有限的相聚的時間裡, 大家都可以盡情投入的陪伴孩子, 讓他們感覺到我們的愛…