早前晢晢的學校派發了一張通告, 是有關聖誕咭設計比賽的, 媽媽本無意參加, 但細閱下得知原來作品會用來送給長者以表心意
未開始時, 媽媽問:『晢晢, 聖誕節就到啦, 不如畫張聖誕咭送畀老人家等佢哋開心吓咯~!』
晢晢:『好呀!』
媽媽:『咁畫咩好呢??』
晢晢想了想:『不如畫支枴杖送畀佢哋啦! 媽咪, 你老咗我都送一支畀你吖, 好唔好呀??』
媽媽:『都好吖, 枴杖好似聖誕d士的裝飾咁, 就畫支七色枴杖等d老人家開心下啦!』
之後, 晢晢便努力的畫呀畫, 還仔細地運用了差不多所有顏色, 務求令枴杖變得七彩繽紛!!
最後的作品, (在媽媽心目中)真的很美很美, 可惜竟忘了拍照…
雖然如此, 但其實都不重要了, 因整個過程最重要不是那作品, 而是晢晢那棵心…
當他知道作品是送給老人家時, 媽媽很欣賞他真的會用心去想一件適合老人家的物品來畫, 而且他畫的過程是很認真的, 一直專注地畫, 每次轉顏色也都會細心觀察一下會否撞色, 間中又會問問媽媽意見… 媽媽每當想起這些片段, 心裡都會很感動…
希望收到這張聖誕咭的老人家會感受到他那份心意~
沒有留言:
張貼留言