仲諗住晢晢打針唔喊好叻! 點知今日婆婆同我講晢晢發燒, 手脾個針口位仲腫到拳頭咁大! 又紅又腫又慶仲實篤篤! 婆婆話好正常, 但我睇到肉到赤埋!
婆婆叫我fu暖水. 但已經慶合合唔係應該冷fu咩!?
媽媽真係好鬼冇用! 腫成咁都注意唔到! 唔怪得尋晚瞓瞓吓慘叫啦! 一定係又腫又慶好辛苦喇... 唉... 難為了晢晢…
2009年6月11日 星期四
打腫晢晢隻手 >.<!
2009年6月10日 星期三
到健康院
今日特登請咗假同晢晢返健康院做成長監察同打歲半針, 成績如下:
Wgt: 10.57kg
Tall: 80.5cm
由中大碼變成中碼B, 姑娘評語--增長欠佳...
見姑娘做成長監察時, 用筆畫嘢, 用杯飲嘢, 行路... 都冇問題! 語言方面, 姑娘更加大讚佢叻! (我都未講佢念到A-Z同1-10咋~!)... 之後姑娘問返晢晢上次扭傷腳o既事, 我又提到佢便秘同食奶問題... 姑娘又係話晢晢食得太多奶, 便秘可能係關食得太多蛋白質事, 建議減奶同時加多d蔬果... 唉, 都唔係第一次聽, 婆婆唔肯follow都冇計... 又係奶粉廣告的禍...
之後打針, 冇喊, 鬆容不迫! 好叻仔! 不過婆婆就好大反應話晢晢一d都唔叻, 因為奀皮既小朋友先唔怕痛, 咁先惡教!
真係一盤冷水照頭淋呀!! 乜晢晢好奀皮咩~!? 亨!
2009年6月8日 星期一
2009年6月6日 星期六
陶藝展
今日去咗參觀爸爸朋友o既陶藝展, 晢晢好有興趣呀! 不過就難為了爸媽, 因為怕晢晢四處貢打爛人哋d作品就大近視喇~!
門口影張相留念先~~~
晢晢開心到飛起呀~!
爸爸的朋友~~
爸爸朋友其中一件作品
前一件叫十二面體, 外線係一條連續o既線, 後一件叫黃金比例, 於圓形正面望過去, 每一支凸出既部份都唔會overlap~! 原來大自然中好常見, 好似一棵樹每一支樹都唔會overlap, 咁樣每片葉都可以吸收到充足陽光~~ 好奇妙~!
展品中仲有好多唔同人o既作品, 不能盡綠, 好多件都好有特色, 其中一件係以陶瓷編織出嚟o既籃, 博士話要造個籃要好高技巧先做到! 因為好易斷架! 呢個就係個陶瓷籃喇, 真係唔講都睇唔出呀~!
其他展品...
呢日行完展覽食埋飯返到屋企已經11點多! 媽媽同晢晢都攰到飛起! 不過可以讓晢晢認識吓陶瓷藝術都值得o既~!
2009年6月2日 星期二
奶媽收山了
由第一日開始餵人奶已定下兩歲目標, 但由於不斷跌奶, 晢晢跟本唔夠食, 再加上揍仔實在好攰, 目標就改為歲半...
近來時常都喺人生交叉點爭扎! 明明好攰, 都撻咗上床, 但總係覺得差幾日就歲半都唔捱埋落去好唔抵, 又彈返起身泵奶...
直到5月27日, 因為老公工作要開通宵, 加上晢晢呢晚特別夜瞓... 冇心情, 加上攰, 我冇泵就瞓, 直到第二朝, 又因為一個人揍仔, 冇時間... 到夜晚, 爸爸返到嚟一齊游水, 之後我又好攰, 再一次冇泵...
到星期五, 可能因為食得太多(出咗去食菜飯), 開始有d谷唔舒服, 就去咗泵咗3oz出嚟, 直到今日, 我都冇泵, 都3日喇, 冇乜谷既感覺, 我諗… 完了… 晢晢, 我諗你要跟媽媽奶say goodbye喇~! 最後一次食媽媽奶係2009年5月30日早上(3oz雪奶)…
真係好唔捨得! 雖然我一直只係一個全泵奶媽, 但果種無可取締o既關係真係冇嘢可以代替到! 而且呢d嘢一收, 就返唔到轉頭...
好遺憾差幾日就到歲半目標媽媽都唔捱埋佢, 但另一方面又好proud of 自己可以餵到人奶咁耐, 尤其作為一個全泵... 呢份毅力除咗源自母愛就再冇其他理由...
晢晢, 媽媽完成唔到目標心裡面真係有點難過... 不過你放心, 媽媽停奶後唔會偷懶! 媽媽會用多出o既時間, 為您做更多!
近來時常都喺人生交叉點爭扎! 明明好攰, 都撻咗上床, 但總係覺得差幾日就歲半都唔捱埋落去好唔抵, 又彈返起身泵奶...
直到5月27日, 因為老公工作要開通宵, 加上晢晢呢晚特別夜瞓... 冇心情, 加上攰, 我冇泵就瞓, 直到第二朝, 又因為一個人揍仔, 冇時間... 到夜晚, 爸爸返到嚟一齊游水, 之後我又好攰, 再一次冇泵...
到星期五, 可能因為食得太多(出咗去食菜飯), 開始有d谷唔舒服, 就去咗泵咗3oz出嚟, 直到今日, 我都冇泵, 都3日喇, 冇乜谷既感覺, 我諗… 完了… 晢晢, 我諗你要跟媽媽奶say goodbye喇~! 最後一次食媽媽奶係2009年5月30日早上(3oz雪奶)…
真係好唔捨得! 雖然我一直只係一個全泵奶媽, 但果種無可取締o既關係真係冇嘢可以代替到! 而且呢d嘢一收, 就返唔到轉頭...
好遺憾差幾日就到歲半目標媽媽都唔捱埋佢, 但另一方面又好proud of 自己可以餵到人奶咁耐, 尤其作為一個全泵... 呢份毅力除咗源自母愛就再冇其他理由...
晢晢, 媽媽完成唔到目標心裡面真係有點難過... 不過你放心, 媽媽停奶後唔會偷懶! 媽媽會用多出o既時間, 為您做更多!
2009年6月1日 星期一
到西頁海灘
星期日終於完到心願, 帶晢晢去沙灘玩喇~! 我哋連同生一家三口去西頁玩, 老公另一位朋友Bruce都喺度, 仲帶埋隻超大隻狗嚟玩水…
尋日晢晢真係玩得好開心, 佢完全唔驚踏沙同落水! 係海邊舀沙時, 即使成身都係沙都仍然一d反感都冇! 好叻仔~! 之後佳帶佢去濕少少水, 不停splash, 好開心, 跟住Bruce仲帶埋晢晢出海中心, 晢晢冇水泡又冇父母喺身邊, 但依然放胆游~ 勁!
玩完一輪見晢晢開始凍到d手指都紫埋, 就帶同佢沖身走人~! 去到亞生屋企先沖涼, 晢晢訓咗幾個鐘, 呢晚喺亞生屋企打邊爐…
講開食嘢, 呢日(2009年5月31日)算係晢晢飲食大解放! 因為星期六出咗動植物公園, 我又攰, 第二日又要一早返教會, 我就冇預備粥仔, 諗住試餵晢晢食街上食物, 呢日晢晢食咗... 午餐: 蛋白瑤柱炒飯幾匙, 蛋撻仔小半隻, 义燒包小半隻… 到亞生度就煲咗d瘦肉生菜粥佢食, 食咗大概一碗… 之後打邊爐時我就餵咗龍虾丸, 肥牛, 腐竹, “互”絲, 粟米粒… 初初晢晢都有d抗拒, 不過食食吓知好味就坐得好定慢慢歎~~~
香港動植物公園
星期六呢日帶咗晢晢去香港公園到動植物公園,. 因為之前果晚我失眠, 所以狀態勁差, 好想暈… 呢日我要返工, 正1pm時明明上咗shuttle, 但上咗車先發現冇帶電話, 唯有折返… 上到office因為見暈, 所以伏喺枱再休息咗半個鐘先再撘車走...
我先到TST同爸爸&晢晢會合, 爸爸話今日晢晢食粥時勁扭計餵唔到, 我就分咗我D拉面畀佢食, 都食咗唔少啊~~ 醫好肚就齊齊撘船過海~~
到咗中環, 晢晢竟然扭眼訓, 咁唯有去IFC求奇搵間cafe坐下, 晢晢冇耐已經變豬, 我都順手差差電(都未暈夠), 坐咗中概半個鐘, 見時間都唔早(4點幾), 就抱走晢晢, 果一刻先晢晢先醒…
我哋搭的士去到香港公園, 同晢晢行咗一陣, 我哋同佢玩咗幾個公園同沙池… 之後就行咗好遠o既路去動植物公園, 晢晢見到d動物都好好奇, 叫佢point, 扮woo woo叫… 都好肯跟住做, 放佢喺地行又好似隻甩繩馬騮咁標咗去, 全程都好興奮… 不過臨走時佢畀d bird bird叫聲嚇親…
爸爸成個秤起晢晢, 不過晢晢又冇乜嘢wor~~
晢晢真係有留心睇d動物架~!
晢晢第一次見咁大隻bird bird, 佢開頭真係驚到呆一呆~! 好搞笑~!
呢隻bird bird仲"發發"聲飛來飛去, 我都唔係好敢行到太近, 但爸爸似乎要鍛鍊晢晢個胆wor~~
之後我哋就搭的士去金鐘, 求奇食mc donald, 只因只得呢間有bb凳… 期間晢晢竟然識講: muｍ mum我食呀, 我食呀!... 我都係第一次聽~!
訂閱：
文章 (Atom)