陶陶。叫媽媽 (7M2W2D) – 23.05.11

陶陶會叫『媽媽』啦!!!

 

其實喺陶陶大概6個月大時

已經會發『媽媽』呢個音

不過又似乎只是未有意識的發音…

 直到2011年5月23日晚

即陶陶7個月2星期零2日大時

終於懂得有意識地叫『媽媽』啦!!

 

事原呢晚陶陶半夜咳到上氣唔接下氣, 辛苦到不停大叫大喊, 因為媽媽想斟點暖水畀佢順順氣, 所以冇即時抱起佢, 就喺媽媽踏出房門一刻, 陶陶就不停叫著『媽媽媽媽媽媽…』, 似乎是向媽媽求救~!

自始, 每當陶陶想找媽媽抱時, 都會望著媽媽叫『媽媽』, 所以媽媽肯定陶陶是有意識地叫的~!

不過其實『媽媽』並不是陶陶第一句會說的『話』, 大約喺陶陶5個多月大時, 陶陶會發的第一個音是『爹爹』~! 媽媽想, 或許因為Ciki姐姐時時用唔咸唔淡的廣東話叫陶陶的名字(dau dau), 所以就跟著叫… 而家每當陶陶見到玩具時都會叫『爹爹』~!(理由就不得而知lu…)

而陶陶第二個會發的音是『呢呢』(=奶奶), 大約發生喺陶陶約6個月大時, 呢個媽媽都好肯定陶陶是有意識地叫, 因為每次夠鐘食奶, 陶陶都會望著媽媽叫『呢呢』~! 有一次, Ciki姐姐想測試陶陶係咪真係識講, 故明知係喊肚餓都刻意抱開佢, 結果陶陶就緊張得不停『R』腰摟向媽媽然後大叫『呢呢呀!!』~~ OK, 清楚晒~!

媽媽都唔記得『語言』應該喺幾時開始發展!? 純粹個人感覺, 陶陶似乎都發展得頗早(係咪呢!?), 媽媽都冇時間考究咯, 就當媽媽自我陶醉啦~~ 嘻嘻~~~

陶陶, 您好叻女呀~!

兩兄妹。生病記 (3Y5M / 7M11D) – 21.05.11

兄妹情深, 玩要一齊, 食要一齊, 連病都要一齊…

Happy Friday放工返到屋企兩兄妹仲好地地, 朱精姨媽仲上咗嚟帶晢晢到公園玩, 誰不知玩完返嚟沖涼後, 晢晢就不停打冷震, 1分鐘不到就開始面青青同發吽豆, 一摸, 嘩! 咁熱o既!? 一探, 已經38.3度… 發燒了…

媽媽同晢晢講:『晢晢, 你發燒呀!』

晢晢:『係呀! 我好唔舒服呀!』

媽媽:『咁你要快d上床休息啦!』

晢晢『哦』咗一聲就自己爬咗上床瞓著咗…

雖然晢晢病得突然, 而且食咗退燒一段時間仍愈燒愈高(38.3… 38.7… 38.8…), 但出奇地媽媽又十分冷靜, 只密密手替晢晢用暖毛巾抹身…  

平安渡過一晚, 早上起床仍有點微燒(37.8), 但人好精神(唔講都唔知佢病), 睇完醫生食完藥, 除咗有點咳和鼻水, 大致上沒甚麼大礙, 媽媽以為可以鬆一口氣…

誰不知, 哥哥的病菌不知不覺間已傳染咗畀妹妹, 不停咳咳咳咳咳, 半夜情況最為嚴重, 又咳又鼻塞, 十分可憐… 拖到26號早上, 爸爸媽媽便帶陶陶睇醫生(是第1次啊~!), 醫生說陶陶鼻和喉嚨都有點紅… 是感冒…

小插曲是…當我哋入到診症室, 醫生還未問咩病就二話不說捉咗陶陶去磅重…

醫生十分客氣的說:『吾… 畀你做個參考啦… 其實9kg應該係1歲先有o既重量嚟o既…』

媽媽尷尬的答:『吾… 其實佢6個月返健康院時已經知道佢超咗磅… 不過佢雖然重95線, 但高都有90線… 咁仲算唔算超重呢??』

醫生:『吾… 知道你餵人奶其實都唔會挑剔你o既… 不過… 吾… 如果可以keep到重90線就最理想啦…』

果然減肥是女性的終生事業…

差不多3星期過去, 哥哥情況大致已經痊癒, 但妹妹仍然不停流鼻水和咳(婆婆形容得好貼切, 她說『 陶陶個鼻好似穿咗隆咁不停漏水』…), 已轉睇另一醫生, 希望快d好! 因為晚晚半夜咳醒, 媽媽都就快不支倒地咯…

陶陶。會爬啦! (7M2W4D) – 28.05.11

WOOOOO~~~~~

經過長---時間訓練

我家陶陶終於喺2011年5月28日

即7個月2星期零2日大

  識爬啦~!

實在等到媽媽頸都長---啊…

(成7個半月先識爬…)

第一日爬得仍未好利落

不過第二天開始已自如許多(但仍未稱得上靈活 )

會轉左轉右向前向後

會向著目標進發

周時爬到成身汗

嘻嘻

啱架啦~ 啱架啦~

陶陶都要做多d運動消消脂架啦~!