晢晢:「猴棗散好難食呀!!!」
話說平安夜前夕晢晢咳通頂, 到第二朝醒來就聽到佢好多痰聲, 但又唔似好辛苦, 所以爸爸就堅拒帶晢晢睇西醫, 因為爸爸覺得西藥食得多冇益, 咁唯有食住猴棗散頂住先~! 
過住餵猴棗散總會餵到天一半地一半, 因為晢晢會不停掙扎… blu, lur, 喊, 大叫
晢晢突然咁聽話, 爸爸媽媽都感都好意外, 本來諗住獎佢一杯「甜甜」(蜜糖水), 但晢晢竟然伸晒脷(示意條脷好苦)話:「唔愛甜甜, 要水~!
晢晢, 你真係令爸爸媽媽好欣慰, 第時大個都係咁乖, 好唔好!?
晢晢, 你幾個月前已經開始努力練習呢個『V』字手勢, 有時見你左右手交替協助試圖做出『V』字個專注樣真係好好笑
但你好乖啊, 一直都冇放棄, 仍不斷練習! 直到有一晚, 你食緊奶奶時不停講住『TWO TWO TWO』, 媽媽都不以為意, 但突然媽媽發現, 原來你隻左手, 正用母指, 無名指同尾指拎住奶樽蓋, 然後樹起食指同中指做出『V』字。。。 嘩! 晢晢, 你成功啦!! 係呀, 樹起兩隻手指就係『TWO』啦!
媽媽以為你已經做到, 就拎走樽蓋再次叫你做出『V』字, 點知… 原來冇樽蓋你係會手指打結。。。冇打緊, 繼續努力!
直到平安夜, 跟你拍照時我哋隨口say YEAH, 晢晢你竟然非常純熟地做出『V』字手勢! 晢晢, 你終於做到啦!!!
而家, 無論問你幾多歲或者叫你 say YEAH 你都會搭埋個『V』一起作答!
晢晢, 你真係好叻呀!!! 錫晒你!!!
要到聖誕假期尾聲先有d似樣d的節目…
好似自從媽媽同姨媽們嫁晒後, 每年聖誕我哋都會同婆婆齊齊食返餐(反而做女時就各自各玩!)。 過往係會於家中開party, 今年就移C到黃金海岸酒店食Buffet, 雖然食物種類唔多, 但都未至於令人失望
難得啱大少胃口o既中湯...
...就豪飲!
晢晢:「d apple juice咁啖o既, 等我加舊檸檬先!」
試味後... 晢晢:「好酸呀!」(真實對白)
晢晢見爸爸食雪糕就一手搶咗話:「我自己嚟!」古惑到暈!
叫晢晢帶帽C都唔肯, 要爸爸陪先肯帶一陣咁大把!
婆婆話佢哋兩表姐弟日日都係咁玩wor...
食飽飽就回家休息... 聖誕假期圓滿結束~!
明年再見~!
聖誕節係紀念耶穌降生o既日子, 本應帶晢晢參與教會活動, 讓佢加深認識呢一日o既真正意義
呢朝早, 好似平日weekend放假一樣, 一起身就齊齊出去嘆早餐, 然後見仲早就帶晢晢到中央公園o既兒童幼樂場玩, 等晢晢可以發洩下過剩o既精力! 
晢晢一見到就話:「Motorcycle 呀!」然後一支箭標上去坐!
爸爸:「晢晢快d啦!」晢晢:「嚟緊啦, 等陣啦!」
晢晢玩呢個擒架時好搞笑, 喺爸爸協助下一口氣擒到上頂, 媽媽就企喺對面準備接住晢晢擒返落地, 點知當媽媽張開手時, 晢晢竟然伸一伸手就立即縮回, 然後令轉頭叫爸爸抱, 明顯地對媽媽冇信心!
晢晢:「想抱我? 媽媽, 食多兩碗飯先啦~!」
呢d考平衡o既遊戲設施晢晢都好感興趣, 玩咗好耐~!
玩咗大半個鐘就返屋企休息, 直到晚上先再出動到元朗打個轉, 咁啱商場有聖誕裝飾, 當然唔會錯過拍照機會啦!
晢晢個「米」字又返來咯～～
到boxing day, 由於爸爸工作關係, 所以媽媽趁晢晢午睡完就再一次單拖帶晢晢到爸爸公司會合, 呢次媽媽冇咁好彩, 要3粒糖 + 半樽多多先搞得掂晢晢
