今個農曆新年假期, 媽媽只放到年初四, 爸爸就多媽媽一日(年初五), 但晢晢就放到年十二先返學! 見晢晢放假留喺屋企咁悶, 爸爸就好有心咁專誠喺年初八拎咗日假帶晢晢去玩補返數
放假前一日爸爸問:『帶晢晢去邊度玩好呀?
晢晢:『咁多冰o既, 會唔會跌架!?』
著好溜冰鞋, 準備出發啦~! (為何晢晢擺的pose愈來愈『kawai nei!』?
有隻輔助企鵝, 果然3歲細路哥都玩得喎~!
玩夠, 醫吓肚先~!
順手影張賀照留念~! (鼻屎咁大粒果個就係晢晢喇!)
不過事後爸爸講返, 其實晢晢玩咗大約20分鐘就叫『唔玩』, 或者呢項運動始終對於3歲小朋友都比較吃力, 所以未能享受到箇中樂趣, 唯有遲d再試過啦
晢晢, 你睇吓爸爸幾鍚您~! 你要鍚爸爸多D喇~!
2月12日已帶咗陶陶到健康院做成長監察同打針, 成績公佈…
頭圍: 42.1 cm
體重: 6.97 kg (15.33lbs) – 即約68%線
身長: 不詳 (姑娘唔畀度
其他: 已接種四合一疫苗及肺炎球菌疫苗, 陶陶只分別大叫了一聲, 唔算喊得好淒涼, 而且之後亦冇發燒等不良反應, 感恩~!
到見姑娘時, 當姑娘得知媽媽返工後仍餵緊人奶, 就鼓勵媽媽:『媽媽返咗工仲keep住餵人奶真係好難得! 係好多人o既榜樣! 要繼續努力啊!
好喇, 講返陶陶成長發展…
自陶陶剛踏入3個月開始, 爸爸媽媽已對陶陶進行一連串訓練, 包括:
前臂力量訓練(依靠雙臂力量平衡身體並坐立)…第一天的表現唔錯~!
坐立訓練… 3個月零3星期已坐得似模似樣~! (特別鳴謝lulu ee借出一張『特製BB椅』才有如此效果
轉身訓練… 仍努力中… 陶陶:『救命…
手眼協調訓練(即伸手捉住眼前的搖鈴)… 練足一個月~成功咗!
『語言』訓練… 除了會說『奀咕』, 近來多了『嗚~嘩』, 『哎吔吔吔.. 咦~』等古怪叫聲… 還有時時尖叫
站立訓練… 雙肥腿非常有力! 勁!!
仲有其他訓練… umm… 唔詳述喇~!
在陶陶剛4個月大, 婆婆已反映陶陶開始認人, 本來媽媽都唔係好覺, 但直到幾日前終於感覺到…
例如, 當媽媽放工返到屋企, 一打開門, 喺Ciki姐姐懷抱中o既陶陶一見到媽媽就會扁晒咀兼楚楚可憐咁望住媽媽, 要媽媽抱…
又例如, 朝早媽媽臨出門口返工時將陶陶交到Ciki姐姐手, 陶陶會即時依依不捨地慘叫…
以前晢晢從未試過要黐媽咪(晢晢係乜人都跟!), 所以陶陶有此行為, 媽媽覺得… 嘻嘻… 很窩心~~~ (多謝您, 陶陶!)
下個月再紀錄過喇, 希望到時識轉身啦~! 加油
