晢晢去溜冰 – 10.02.11 (年初八)

今個農曆新年假期, 媽媽只放到年初四, 爸爸就多媽媽一日(年初五), 但晢晢就放到年十二先返學! 見晢晢放假留喺屋企咁悶, 爸爸就好有心咁專誠喺年初八拎咗日假帶晢晢去玩補返數~! (媽媽呢? 因為工作繁忙, 所以呢個約會冇媽媽份咯~!)

放假前一日爸爸問:『帶晢晢去邊度玩好呀?』, 媽媽醒起上次到Anna家拜訪時大家提起過圓方個溜冰場有得租輔助企鵝, 3歲都踩得, 所以媽媽就建議爸爸同晢晢試一試~!

晢晢:『咁多冰o既, 會唔會跌架!?』

著好溜冰鞋, 準備出發啦~! (為何晢晢擺的pose愈來愈『kawai nei!』?)

有隻輔助企鵝, 果然3歲細路哥都玩得喎~!

玩夠, 醫吓肚先~!

順手影張賀照留念~! (鼻屎咁大粒果個就係晢晢喇!)

不過事後爸爸講返, 其實晢晢玩咗大約20分鐘就叫『唔玩』, 或者呢項運動始終對於3歲小朋友都比較吃力, 所以未能享受到箇中樂趣, 唯有遲d再試過啦~! 不過今次都算係唔錯o既體驗o既~! 而且… 爸爸實在好有心, 專誠請假帶晢晢去玩~! GOOD!

晢晢, 你睇吓爸爸幾鍚您~! 你要鍚爸爸多D喇~!