農曆新年2011 – 03.02.11

 有心唔怕遲, 十月都係拜年時!

喺度祝大家…

新年快樂, 兔年進步, 身體健康, 福杯滿溢~!

                                

新年(前後)期間實在好忙好忙, 忙到連個卜都未有時間打理, 追卜追到暈… 媽媽會努力架喇!

今個農曆新年, 媽媽和爸爸率先喺年三十『開年』開到年初一, 認真大吉大吉…

自結婚後, 一直都唔多重時呢d大時大節, 所以什麼年花, 暉春, 團年飯... 通通都未試過喺屋企出現… 直到晢晢漸漸長大, 媽媽覺得即使自己唔重視, 作為父母都有責任做多一點, 起碼當晢晢返到學校, 老師問有關『新年』o既事, 都唔會啞口無言…

本來心裡有好多計劃, 例如想一家人行花市, 想買年花, 想看電視直播煙花… 總之想個家添點新年氣氛, 可惜冇一件可以實現到…

直到年三十晚, 吃過晚飯後, 媽媽興高采烈的提議爸爸『吖! 不如同晢晢整暉春咯!』, 點知是日第一盤冷水來了…『無啦啦整咩暉春呀』… ok… 算吧…

過咗一陣, 媽媽又提議一起吃湯圓, 諗住藉此教晢晢『吃湯圓, 慶團圓』, 正當媽媽叫晢晢埋枱一起吃湯圓時, 是日第二盤冷水來了, 爸爸從後伸手到枱拎走一碗湯圓, 然後掉頭就走到梳化坐下吃!! 剩下媽媽和手中的妹妹呆呆的坐在桌子旁… 感覺, 有如漆黑中有棧spotlight照著…

媽媽當然失望到極點, 所以... 就提早『開年』了… 好在 『火勢』燃至年初一出門口往拜年一刻就告一段落… 否則就要面燶燶去拜年…

年初一指定節目 ~~~ 到爺爺嫲嫲家拜年

今年有咗陶陶, 嫲嫲呢位fans更加開心, 不停纏住陶陶唔放~~ 嘻嘻!!

好在晢晢仲有爺爺呢位忠實fans

食完開年飯, 就到Lulu ee屋企拜年, 順便跟初生的思禮B打個招呼~!

只有三個月的陶陶, 拍埋思禮B身邊頓時變成『女巨人』! (BB頭3個月果然大得快~!)

到年初二, 又係指定節目 ~~到公公婆婆家拜年

不過可能大家時時見面, 又住得好近, 所以竟然大家都只掛住食飯, 忘記咗影相!!! 是日唯一一張相就只有陶陶跟朱精姨媽的合照…

新年o既節目豈只咁少, 稍後再分享啦~!

喺度再一次祝大家

新年進步

一團和氣

皆大歡喜