一家四口@飲宴 – 12.03.11 (3Y3M/5M)

呢日係我哋教會認識近十年的好姊妹的大喜日子, 點可以唔全家總動員捧場~!?

是日係星期六, 晢晢早上有兩個興趣班要上, 剛巧爸爸要學電單車, 所以媽媽硬著頭皮跟晢晢走兩場~! 試過先知原來真係會趕到氣咳! 平日真的辛苦爸爸咯~!

落堂後, 爸爸趕及到晢晢上課的地方會合, 然後齊齊嘆個午餐先回家好好打點…

返到屋企, 媽媽不停『無事忙』的左騰右騰, 只是為兩個孩子襯衫和執BB袋… 其實Ciki姐姐有勸媽媽留下陶陶畀佢照顧, 好讓媽媽有餐『安樂茶飯』, 但媽媽真的好想帶埋陶陶出席, 話晒呢個係難得o既機會跟陶陶扮靚靚嘛~! (嘻~好無聊的理由!)

飲鞋

媽媽一直『忙』到差不多時間出門口, Ciki姐姐提醒媽媽:『太太, 你畀我執啦! 你快d去化妝啦!』… 媽媽才如夢初醒!!! 莫講話化妝, 媽媽連一套似樣點的衣服都冇預備呢!!! (尤其要帶著陶陶, 衣著還要顧及餵奶需要) 結果, 媽媽花了一秒的時間考慮, 最後還是決定不施脂粉的, 『爛達達』去飲算了…

當年晢晢哥哥8個月大先第一次參加飲宴, 陶陶只有5個月大就有得出大場面~! 到達時幾多『記者』圍住陶陶影相~!

陶陶:『唔好再搣我塊面啦...』

晢晢:『妹妹唔駛驚! 哥哥保護你!』

晢晢哥哥都唔輸蝕架, 好多哥哥姐姐圍住佢團團轉~!

Ivy ee好靚女啊~!

一對新人出場啦! 晢晢有份幫手撒花瓣! 眼界很準啊! 撒到新娘成頭都係~!!! (哈哈!)

朋友無無聊給晢晢拍吓這張照片…

大概十一時多起程就回家, 一上車, 晢晢已快速暈低, 反而陶陶要眼碌碌多一段時間才被打暈~!

講返呢晚陶陶同晢晢呢兩個寶貝真的十分合作, 無扭計, 無四處走~! 陶陶任人抱, 晢晢又乖乖坐定定, 所以爸爸媽媽未感到吃力, 輕輕鬆鬆的享用宴席~!

一個既(自己攞嚟)繁忙又輕鬆的飲宴~!