生活笑話 (3歲2個月)

說話愈來愈多的晢晢, 跟他的傻爸爸一起時, 經常製造出大量笑話…

笑話一:

喺婆婆家食飽飯…

晢晢:『爸爸, 有冇I-phone呀?』

爸爸:『冇呀!』

晢晢:『咁... 有冇林峰呀?』

爸爸:『冇呀, 得胡楓咋!』

(痴線!! 就嚟畀呢兩仔爺笑C!!!)

 

笑話二:

某朝早…

晢晢:『媽咪, 我刷完牙啦!』

媽媽:『係呀!? 乖~ 抵鍚!』

晢晢:『我好乖, 不如媽咪獎我睇d正嘢吖!』

媽媽: (仔, 你想睇咩正嘢呀!!!??? 唔好嚇媽媽呀!!!)『晢晢你想睇咩呀?』

晢晢: (古古惑惑的)『你過嚟吖, 我畀d正嘢你睇吖!』(跟手拖咗媽媽出廳)

(Woo… 原來晢晢口中講o既正嘢係無綫新聞… 嚇得我!!!)

 

笑話三:

嫲嫲打嚟同晢晢傾電話…

嫲嫲:『晢晢, 你喺度做緊乜呀?』

晢晢:『同爸爸玩lor!』

嫲嫲:『咁妹妹呢?』

晢晢:『食緊奶奶lor!』(食媽媽奶中)

嫲嫲:『咁媽咪呢?』

晢晢:『餵完一邊, 而家餵緊第二邊lor!』

(仔, 你駛唔駛答得咁詳盡呀!!!???)