陶陶轉身啦 (6M10D) – 20.04.2011

等了又等

我們『陶。晢。家』的陶陶

終於喺2011年4月20日

(即6個月零10日大)

識轉身啦!

實在可喜可賀!!!

片段未經刪剪, 因為都紀錄了媽媽『期待』的喜悅~!

其實自陶陶4個多月大開始都一直好努力練習轉身架

晢晢哥哥仲會幫手打打氣添

可惜一直未能成功

或者… 可能… 多數…

因為肚腩過大吧~!

過往練習轉身片段…

晢晢:『妹妹加油! 妹妹加油!』

 

陶陶半歲啦! 10.04.11 (6M)

眨下眼, 陶陶就半歲啦!!! 爸爸媽媽冇特別的慶祝, 但剛巧正日當日我哋一家要到朋友家小聚, 媽媽就特意跟陶陶打扮一下~! 好靚女啊~!

呢個女, 實在係好抵鍚(千萬不要小氣!)~! 或許知道自己是『老二』, 明白爸爸媽媽唔可以100%專注喺佢身上, 所以好少要我哋操心~! 平日除咗肚餓同眼瞓, 係極少哭鬧和扭計, 而且時時都眼碌碌, 咪咪咀對住你笑~~ 望住佢, 就好似望住粒糖咁~~~ 好甜~ 甜到好想吞咗佢落肚~! 嘻嘻~!

4月11日, 爸爸媽媽一同請假帶陶陶到健康院打針及做成長監察, 磅重時, 明明已換咗乾片, 但姑娘喺陶陶上磅後就皺晒眉, 然後要求我哋脫去片片, 媽媽已心知不妙, 果然… 超磅了…

6個月的陶陶 --- 成績公佈…

體重: 8.56kg ( 18.83 lbs) – 達 95 線

身長: 68 cm – 達 90 線

(健康院冇度到高, 媽媽返到屋企自己度~!)

原來, 陶陶真的是一名大碼B, 怪不得咁多衫唔啱著啦…

見姑娘時, 姑娘睇見陶陶的體重及了解過陶陶飲食情況後就皺晒眉話:『佢食得太多奶啦, 你自己睇下, 過晒95線爆晒燈啦! 加咗米糊就減一餐奶啦…(下刪一百字)』

說真的, 媽媽係十分懷疑姑娘的專業!!! 雖然陶陶係為食, 但其實都唔係食好多! 進入固體過渡期當然有機會一餐裡面又奶又米糊, 但只係講緊一餐『3茶匙米糊 + 3oz奶』(好多咩!?), 而且媽媽都唔覺得陶陶好『米芝連』, 只係整體大隻! 姑娘冇度過高就斷定陶陶超重實在對陶陶太唔公平喇!!!

陶陶:『我都唔係好肥之嘛..』

幸好! 姑娘除咗挑剔體重之外, 其他監察總算順利PASS~!

之後就到打針時間, 呢日慘烈地要打3針! 陶陶頭兩針都頂到下(只係嗯咗幾聲), 到第3針真係火都嚟(好啦喎!), 但都只係嚎哭咗數分鐘~! 之後亦冇發燒等不良反應, 感恩~!

睇見陶陶一日一日長大, 由一舊只會喊食的大舊飯, 到漸漸學會跟你笑, 向你舉手要抱… 真的很窩心~! 又, 看到晢晢一天比一天的愛妹妹, 愈來愈有大哥哥風範, 媽媽真的很安慰~!

某日, 妹妹正在扭眼瞓, 晢晢主動話:『媽咪, 你抱妹妹先啦! 我自己玩一陣先得架啦!』, 媽媽聽見實在有點感動~! 兩兄妹都如此懂性, 媽媽有咩理由唔鍚到您哋燶~!?