和Anna@錦田鄉村俱樂部 - 05.04.11 (3Y3M)

話說於某weekend, 晢晢一瞓醒就不停口話:『我想同Anna一齊玩呀! 我帶3架車車去搵Anna吖好唔好呀?』為解晢晢單思之苦, 媽媽就跟Anna媽相約, 目的地是錦田鄉村俱樂部~!

已經有一段時間冇見面, 但晢晢和Anna的交流都比以往多, 而媽媽和Anna媽都有同感, 就係呢兩小口說話的語氣好似! 似到係你唔望住佢哋講嘢跟本分唔到邊個打邊個!?明明大家一個住東, 一個住西, 又唔係時時見面, 都會似得咁交關, 真神奇~!?

一大片草地, 令人感到十分舒暢~!

呢日天氣好好, Annapa本打算放風箏, 可惜一直未能成功, 後來Anna和 晢晢就來搗蛋了…

width="425" height="344">

為何Anna哭得那麼淒涼!?

晢晢爸唔小心拍低咗受傷過程~!

之後Anna和晢晢一起玩bubble

餵小羊, 小兔和松鼠…

還有吹氣跳彈床, 可惜Anna就氹極都唔敢試~!

呢日Alvin和陶陶也十分享受似的, 一直在BB車內東望望, 西望望~! 也睡了一覺很甜的午睡~!

臨走時經過這個『電動車場』, 晢晢和Anna都要顯顯身手~!

之後Anna一家再到舍下小聚, 時而畫黑板, 時而『跳彈床』(Anna喺大人床就跳得不亦樂乎, 剛才個吹氣彈床就耍手拎頭), 時而一起坐『法拉利』… 開心極了~!

玩咗咁多個鐘都未夠皮!? 唔怕~ 再帶兩小口到公園盡情放電~! 晢晢爸化身成壞人捉小朋友, 公園裡不停傳出他們的尖叫聲~!

玩到塊面紅卜卜呢~!

大約5時多, 玩足一日的Anna和晢晢都開始有點疲態, 所以Anna一家決定回府了~! 晢晢好唔捨得呢~!

晢晢:『下次一定要再嚟啊~!』