好耐冇同晢晢做閱讀紀錄, 唔係冇睇書, 反之睇咗好多好多本, 只不過一直冇時間做記錄…
今次呢本要隆而重之記錄一番, 全因… 有點驚喜~!
呢本書主要係講人o既消化系統, 媽媽27號從圖書館借回來, 29號拎出嚟同晢晢一齊睇, 30號晚放工返到屋企, 晢晢竟然… 竟然… 竟然…
竟然拎咗幅佢親自畫o既小腸+大腸圖畀媽媽睇
唔單止畫圖, 仲識得好仔細咁講解成個消化過程!
『d食物呢… 咬咬咬… 咬到碎晒就去到食道, 之後呢… 就去到個胃, 跟住就去到腸仔(小腸)行行行, 吸晒(養份)就去到大腸行行行, 最後… 吥! 痾臭臭!! 哈哈哈!!!』
除咗消化過程, 晢晢仲記得食嘢果陣會有口水幫助吞嚥…
又記得食嘢會濁親因為d食物入咗氣管, 所以要咳返出嚟...
仲有… 仲有記得食得太飽做運動會肚痛…
對於只講過一次就可以有咁深印象, 證明晢晢對呢本書真的好有興趣, 亦證明呢本書講解得顯淺易明, 啱晒晢晢呢個年紀~! 十個讚!!!
小記: 而家爸爸好鬼衰, 當媽媽忙於揍妹妹叫佢間中客寸下講故事, 次次都講到求求其其, 搞到晢晢冇晒引
我都觉得系因为妈妈讲故事深入浅出,听得晢晢好明白先可以咁准确讲番晒出来...唔...晢妈你可以去教幼稚园了~! 至于爸爸既鬼计....我都觉得非常大可能~
回覆刪除[版主回覆04/19/2011 22:37:00]哈~ 你點知我細個諗過做幼稚園教師架~!? 不過大個咗就感到好彩冇入行, 照顧小朋友真係好勞心勞力架~!
爸爸真係十級古惑呀!!!
我都觉得系因为妈妈讲故事深入浅出,听得晢晢好明白先可以咁准确讲番晒出来...唔...晢妈你可以去教幼稚园了~! 至于爸爸既鬼计....我都觉得非常大可能~
回覆刪除喺沙田好難揾到呢d書, 尤其係for d 咁細年紀ge, 好多時都會比人借晒
回覆刪除[版主回覆04/19/2011 22:38:00]係呀! D兒童書係好難搵架, 因為好多時畀人睇完亂咁放! 所以我成日都會上網reserve, 等佢通知就去拎書lor!
好多時畀人睇完亂咁放! <== 絶對係. 所以去圖書館我會敎卓卓將書放回原位. 同埋好多時d書架真係空ge, 尤其oxford d 書, 但我試過monday 一早去, d書就全部歸位. 你點揾到邊d書啱晢晢睇呀! 上圖書館個web 又冇得按歲數選書. 我淨係識book oxford d 書比卓卓睇
回覆刪除