晢晢第一次看3D電影 (3Y4M) – 11.04.11 & 25.04.11

4月11日, 爸爸媽媽拎咗假帶陶陶到健康院, 下午在家閒著沒事趕就趁難得的假期跟晢晢找節目, 爸爸提議看3D電影 – 奇鸚嘉年華~!

已經好耐冇一家人睇戲, 對上一次好似都有成年多之前, 當時晢晢仲係『BB仔』一名, 還記得媽媽要懷著戰戰兢兢的心情去看, 深怕晢晢年紀太小坐唔定騷擾到人… 眨下眼, 晢晢己經3歲多咯~! (而家怕佢睇到唔願走多D~~ 嘻~!)

其實呢日早上陶陶打完3支針媽媽都有點心掛掛(尤其有機會發燒), 但我哋一早同晢晢預告咗會同佢去睇戲, 所以唯有照去…

第一次看3D電影(真失禮, 媽媽都是只第一次…), 媽媽還擔心晢晢會抗拒帶3D眼鏡… 到開場時, 晢晢起初都會堅持話:『唔帶眼鏡清楚D喎~!』, 但不久, 似乎佢都感受到帶咗眼鏡會有特別效果, 所以最後都帶足全程, 而且仲好投入咁, 邊睇邊笑~! (當然, 令佢開心o既仲有飲極都飲唔完o既汽水同食極都食唔完o既爆谷~!)

睇咗一套仲未夠, 幾日後爸爸又告知手頭上有一張電影卷趕著要限期前使用, 所以我們唯有再一次賣甩陶陶(SORRY), 於復活節假期最後一天(25.04.11)多看一套3D電影 – 森美海底歷險

兩星期內睇兩次戲, 晢晢當然駕輕就熟~! 起碼, 一入場就曉得要求買爆谷! 買可樂! 當然仲有帶3D眼鏡~!

跟上一次一樣, 晢晢看得好投入, 好享受~! 仲食咗成筒爆谷咁滯!!! (食飯又唔見你食咁多…) 完場時, 仲跟媽媽說:『呢套戲真係好好睇喎!』

不過說老實話, 媽媽還是比較喜歡帶你參加戶外活動多些~! 呢兩次… 就當畀你見識下, 免得做鄉下仔喇~!