捉飛行棋(3Y6M)

屋企盒飛行棋係晢晢學校約兩個月前某party送的小禮物, 媽媽一直收起, 因為冇諗過3歲的小朋友會識玩! (媽媽覺得飛行棋的規則都頗複雜的!)

直到個多月前的某日, 晢晢竟然醒起呢盒棋,  又嚷著要玩, 媽媽便以膽博膽的心態陪晢晢玩! 本來媽媽有意圖簡化d遊戲規則, 但後來發現, 要簡化都唔係咁易, 於是唯有硬著頭皮邊玩邊講解…

完全是意料之外!! 只玩過一次, 晢晢係完全理解並記得所有遊戲規則! 有時更提返媽媽轉頭『擲到6, 要擲多次喎~!』 … 更意料之外, 是晢晢竟有耐性玩至所有棋都到達終點!!! 有時更要求玩多一次!!! 認真厲害~ 厲害~!

連續玩咗好多好多日, 晢晢開始純熟, 又好像『捉到路』…  好幾次, 喺媽媽冇讓賽情況下都能勝出! 媽媽實在太低估時下嘅小朋友喇~!

捉棋可以鍛練耐性, 邏輯思維, 又可以親子, 唔錯嘅活動啊~!

                                   

小記: 朋友知道媽媽近來同晢晢捉飛行棋都說『勾起了童年回憶』, 但對媽媽來說, 媽媽的童年好像是沒有飛行棋的, 相信玩過的次數5隻手指的數得晒… 或許屋企唔『興』掛… ?? (所以媽媽開始同晢晢玩前都要先『温温書』才敢開始)