話咁快就第三堂咯
…
今堂因為要預時間先送晢晢返合唱團, 所以比較早到, 可以同陶陶多拍幾張照片
~! (媽媽同晢晢say goodbye時, 晢晢皺埋眉頭同媽媽講:『不如Ciki姐姐揍妹妹返playgroup, 媽咪陪我返合唱團啦…
』… 聽得媽媽心都酸埋 >.<)
跟上兩堂一樣, 陶陶十分投入
! 連姑娘都話陶陶最捧場
! 每個活動都積極參與, 由頭笑到落尾
! 姑娘話接觸過好多大膽的BB都是大碼B… 難道真的有關係
~!?
做過前庭訓練及感觀活動後, 就到集體活動時間~! 堂姑娘點名叫陶陶個名時, 陶陶竟懂得主動舉起手拍拍姑娘的『手掌棒棒』, 又一小進步~!
今堂其中一個親子活動是『搖小船』, 家長用雙膝夾穩BB雙腳, 然後拉起BB雙手協助他們做『Sit Up』~! 陶陶『上』冇問題, 但『落』時點都唔肯瞓低, 成半天吊狀
!! 姑娘話咁代表陶陶腰仍未夠力
(『落』都要用力架~!), 要加緊訓練!! 順便減下個大肚腩~!
另一個親子活動是BB扒在波波上, 家長扶著他們腰部然後向前推, 直到BB雙手被推出波波外時他們要懂得用雙手撐著身體才算合格
~! 活動目的除了鍛鍊BB前臂肌肉, 還可以訓練BB危機意識, 當要跌時都要識得伸手撐著保護自己… 可惜, 陶陶未能通過考驗, 當媽媽不斷向前推, 陶陶雙手就不斷向後退, 雙手點都要黐住波波, 點都唔肯掂落地! 即使姑娘硬把陶陶雙手放到地上, 都只能維持一陣, 好快又會縮回波波上, 激死! (表現跟當年哥哥一樣, 果然係兩兄妹
…)
到茶點前最後一個活動~~ 玩水水! 5個BB圍住兩個大水盤浸浸手, 踢踼腳, 又有些bath toys 玩~~~ 嘩! 興奮咯! 陶陶跟同學仔都是愛玩水之人, 現場水花四淺, 好刺激! (刺激在我哋d家長冇衫換, 但又好想畀BB玩, 心情矛盾得嚟又有點緊張~ 嘻
~~)
最後到茶點時間~! 經過秘密練兵, 陶陶終於識得自行進食
! 用水杯飲水亦順利通過(只係媽媽心急令陶陶濁親~!), 臨放學有家長問有否出售上課用的藥杯 (BB學習飲水用) ? 姑娘叫我們到counter購買, 傻媽媽就一渦風的買了兩隻~ 陶陶一隻, 哥哥一隻~! 冇偏心啦~! 
今堂都發現頗多機會點, 大多數都是大肌肉發展問題!! 應該都是大碼B的通病… 陶陶呀陶陶… 郁多D啦唔該!!! 
小記1: 唔知點解今堂特別多BB喊
? 個有姐姐更由頭喊到落尾完全冇收過聲! 喊到臨落堂就瞓著咗, 佢媽媽唯有無奈地帶佢先行離開… 希望下堂佢哋可以開開心心一齊上課啦~! 因為爸爸媽媽排隊報名同每星期帶你哋出嚟都好辛苦架~! 加油呀!!!
小記2: 晢晢好鍾意雙藥杯, 不停自斟自飲… 『睇吓, 我倒咗50ml呀!』googoogoo『睇吓, 我倒咗30ml呀!』googoogoo『睇吓, 我倒咗60ml呀!』googoogoo… 結果, 晢晢一口氣飲晒成jar水.. 仔~ 媽媽服咗你咯…
沒有留言:
張貼留言