4歲的晢晢, 對金錢的概念仍很模糊…
大概只懂分辨貨幣的面值和銀碼的多少…
對於八達通, 信用咭, EPS這類無形的付款方式, 可說是完全不懂!
當媽媽以『冇錢』為由拒絕購買東西時, 晢晢很常見的回應是:『冇錢, 嘟咪有囉
某日, 媽媽和晢晢一起交興趣班的學費, 以信用咭付款, 媽媽順口說句: 『晢晢, 聽吓, 嗰D卡卡聲(列印單據的聲音)其實碌走緊媽咪D錢!』
晢晢『吓??』了一聲, 數秒後便叫媽媽:『媽咪, 你拎個銀包出嚟畀我睇吓!』
媽媽:『你想睇咩??』
晢晢: 『你拎個銀包出嚟畀我睇吓先啦!』
媽媽:『做咩無啦啦想睇媽咪個銀包??』
晢晢: 『我想睇吓媽咪銀包D錢點樣碌走呀!!! 媽咪銀包而家D錢係咪已經少咗???』
救命… 媽媽暈了… 完全想不到晢晢會有如此想法!!
媽媽嘗試向晢晢講解銀行概念, 可惜晢晢是完全地一頭霧水!
最後, 媽媽都不知再如何解說了, 只以『晢晢, 你返到屋企叫爸爸畀返錢媽咪啦唔該!』打完場… (晢晢的回應都很搞笑, 他說:『爸爸咁衰, 一定唔肯畀返錢你啦!』)
到底該用什麼方法才能令他明白???
還是這概念實在太深呢???
這回輪到媽媽一頭霧水了!
沒有留言:
張貼留言