晢晢。滑板車(4歲1個月/1歲2個月) - 08.01.12

話說早前媽媽帶晢晢到屯門買衫那天, 媽媽曾帶過晢晢到反x城選購玩具, 其實當日除了電單車玩具外, 還應晢晢要求試了一款滑板車…

 

晢晢:『我想要滑板車呀!』

 

媽媽:『你未啱玩喎…』

 

晢晢:『畀我試咗先啦!』

 

媽媽:『好呀! 不過踩唔到就唔買住架啦!』

 

晢晢:『OK!』

 

結果, 當日晢晢踩到一仆一碌, 所以心甘命底, 沒有扭計要買…

一星期後, 爸爸放假, 一家人便近近地到屯門逛逛, 誰不知一踏出屯門西鐵站, 晢晢已經嚷著…

 

晢晢:『我想去玩具反x城買滑板車呀!!』

 

媽媽:『你上次咪試過囉, 你都未識踩!』

 

晢晢(反應超快):『買咗就識踩架喇!』

 

媽媽心想. 就即管睇下你踩唔踩到!

 

到達反x城, 晢晢便要應媽媽要求, 自行找店員哥哥提出試車(順手練練他的膽量!), 然後邊試邊一副小大人的口吻:『好似呢款好d喎… 呢款就麻麻地…』

 

結果, 試了幾款後, 其中一款的確控制得不錯, 價錢亦適中, 媽媽便『講過算數』, (叫爸爸)買了!

晢晢急不及待到屯門公園練習, 小朋友果然學嘢好快! 不一會, 已經玩得十分純熟! 會控制速度, 會轉彎, 還會刹制, 很厲害!!!

 

其實媽媽一直都不反對買這類玩意, 男孩子, 少不免是活躍點, 就當給他做運動, 發洩一下過盛的精力也不錯!

 

不過媽媽一直拖延購買, 就是想晢晢明白, 東西不可以亂買, 要深思熟慮, 要適合年紀, 要能力所及, 要有意義, 要價錢合理, 要安全, 才可以考慮, 還要自己動手(ie找店員)!! 這次晢晢的表現算是合格了!

 

 

順手記錄一下這天跟陶陶拍的照片…

這天天氣頗涼,

把陶陶穿成一個波狀,

圓上加圓,

很可愛~!