晢。時間是不等人的! (4歲2個月) – 01.02.12

有時教仔, 內心也會有『天使與魔鬼』的掙扎…

這天晚上, 晢晢要學游水, 平時媽媽會預早出門, 好讓晢晢上課前可到公園玩一會, 出一身汗當熱身…

可是, 這天晢晢好像吃了豬油膏似的, 提了幾次還是龜速, 媽媽便面不改容, 只輕輕說了一句:『晢晢, 時間唔等人架! 你唔快d就冇得去公園玩架啦!』… 但晢晢似懂非懂, 最後還是拖到最後一分鐘才跟媽媽出門口…

在街上, 晢晢慣性地向公園方向走, 此時媽媽便說…

媽媽:『今晚唔玩得啦, 因為夠鐘上堂, 媽咪提咗你, 時間唔等人架嘛!』

對晢晢來說, 可算是晴天霹靂了, 當場兩行眼淚…

其實當時媽媽看過錶, 其實還有5分鐘的, 媽媽內心都掙扎, 到底『讓晢晢玩一會大家開心』好? 還是『堅持不罷休』好?

魔鬼: 給他玩, 媽媽便不用跟他在街上吵吵鬧鬧…

天使: 堅持, 是很勞氣! 但要教出好孩子, 就要付出!

最後, 天使勝了!!

晢晢:『點解d時間唔等人架! 我要玩! 我要玩!』

媽媽(表面上)仍然心平氣和:『係架! 時間唔會等人, 所以你慢魔魔就唔夠時間玩架啦! 所以媽咪頭先咪提你要快d 囉! 下次你想玩就記住要快手d啦!』

晢晢:

媽媽:『我知你好唔開心, 但真係冇辦法, 而家已經夠鐘上堂! 你喊啦, 不過唔好喊得咁大聲…』

最後, 晢晢便邊飲泣邊跟在媽媽背後… (旁邊曾有兩個人經過, 他們不約而同地因為晢晢那泣不成聲的樣子而笑了)

下課後, 在回家的路上, 晢晢仍問著『點解時間唔等人嘅?』媽媽便盡力地解釋, 使他明白…

之後的幾個星期, 晢晢不再慢魔魔了…

這次的堅持, 總算有價值!