晢晢B @ 馬灣海灘 29.05.10

啱啱過去咗o既週末媽媽要到柏麗灣探望一位剛生了BB的同事, 媽媽記起呢度有個沙灘, 就叫爸爸帶埋晢晢嚟玩~!  

我哋一家比預定時間早咗到埗, 本打算同晢晢喺沙灘玩一陣就上樓探BB, 然後再落嚟玩過, 點知當晢晢喺岸邊玩咗一陣已經成身沙, 媽媽怕佢整污糟人哋間屋,唯有賴低爸爸同晢晢喺度玩, 然後獨自上樓探BB 咯… 

媽媽: 『你咁污糟, 咪行埋嚟呀!』

睇返D相同片, 晢晢真係玩得好開心! 唔怪得有人話沙同水係小朋友至愛~!

晢晢一見到人哋玩波波就老實不客氣…

媽媽上咗樓大概一個鐘, 爸爸就打來求救, 佢話晢晢喺度碌地沙! 叫媽媽快d落嚟同幫手沖涼~! 睇返相同片, 爸爸果然所言非虛…

呢張影得晢晢好有型~!

爸爸捉到隻蟹仔, 晢晢又叫驚, 又要玩~!

媽媽一落樓就見到晢晢同兩位姐姐嚟度玩, 真開心~!

 

其實呢日天氣認真麻麻, 但天父好保守, 一直玩都冇落過一滴雨, 係直到我哋同晢晢沖好涼, 食埋個tea個天先至落狗屎(有帶遮都揼到成身濕晒, 仲要嗰個係媽媽!), 真係好感恩, 遲來的雨, 讓晢晢可以享受咗一天美好的假期~!