喺11月尾某日, 爸爸跟媽媽相討如何為晢晢慶祝生日
!? 之後爸爸提議到迪士尼玩(因為大家都覺得上次晢晢玩得好開心
), 媽媽都唔反對, 但後來先知, 原來爸爸打算BOOK埋酒店住一晚
!!! 或者其他人會覺得好平常, 但媽媽就覺得動輒數千元來慶祝一個3歲小朋友的生日實在太誇張啦
!!! 不過當靜落嚟諗, 12月除咗晢晢生日, 仲係爸爸生日同爸爸媽媽結婚5週年
, 加埋聖誕, 除夕… 若果當一畢過慶祝晒咁多樣嘢, 咁… 又唔算好過份o既
~! 而且媽媽產假都就快完結, 就趁開工前一家人一齊開心吓啦~! 
出發前媽媽不時都會同晢晢預告:『晢晢, 我哋就嚟去迪士尼啦!
』晢晢就笑住話:『迪士尼? 係咪有Mickey行來行去果度呀!?』… 之後晢晢就一直懷住興奮o既心情直到呢日來臨~!
而媽媽呢, 其實心情都有點緊張
~! 雖然唔係第一次去迪士尼, 但始終第一次帶陶陶出外過夜, 所以出發前一晚都不停檢查有冇執漏嘢, 差d緊張到瞓唔著啊~!
終於到出發o既日子, 朝早起身媽媽忙著照顧陶陶及整理行裝, 晢晢開始等得唔耐煩
, 爸爸就先帶晢晢出門買麵包, 媽媽餵飽陶陶後先出門口然後到巴士站會合~!
本來呢次旅程只有我哋一家, 但某日跟姨媽們提起, 原來佢哋都有興趣! 所以旅程的第一日我哋有娘家作伴
, 好耐都未試過咁齊人啦
! (其實多數係我哋一家缺席就真~!)
雖然陶陶仍然係手抱BB, 但原來迪士尼好多設施都歡迎小BB入場架~! 就好似巴施光年, 朱精姨媽幫忙單手抱住陶陶, 我哋就可以一齊『焦焦焦』喇~~~
記得上次晢晢喳車喳得好開心, 所以玩完巴施光年爸爸好快就帶咗晢晢排隊~! 今次媽媽都唔執輸,一於試下晢晢手車! 吖~ 原來架車真係幾『凳』喎, 唔怪之得上次媽媽大肚唔畀玩啦~!
玩完一輪, 大家都覺得好肚餓, 嗱嗱林走去食個快餐, 媽媽就順手餵陶陶~! 唔知係咪因為肚餓!? 媽媽覺得d飯同薯條都特別好味~! 尤其係個飯, 有d調味, 感覺有d似海南雞飯~! 
食飽後, 朱珍姨媽安排Yoyo玩水, 雖然天氣頗凍
, 而且晢晢一直都有點感冒未清, 但睇見晢晢相眼發亮個樣, 真係唔忍心拒絕
! 晢晢仲興奮到差d成個人爬咗入水缸入面!!! 不過好快就畀工作人員制止! 真係失禮C人!
可能玩水玩得太興奮, 晢晢好快就冇電lu… 
好勉強的全家福(BB車內正是差電中的晢晢)…
趁晢晢瞓咗, 陶陶+Yoyo又乖乖冇扭計, 就麻煩婆婆看住佢哋, 然後媽媽, 爸爸 + 姨媽x2就齊齊玩SPACE MOUNTAIN~! 不過排隊其間媽媽都有點擔心, 萬一晢晢扎醒咗, 或者是旦一個扭計婆婆一個人應唔應付得嚟
!? 所以都有點心不在焉, 好在唔係排咗好耐… 
風馳電掣下, 朱珍姨媽驚到鬼殺咁嘈, 朱精姨媽嚇到面容扭曲, 媽媽就覺得冇乜嘢, 爸爸就衰到扮死! 
講返呢日陶陶都算係十分合作, 明明一直未能Feed On Schedule, 但呢日竟然出奇地可以3個鐘一餐(全埋身餵), 而且好少扭計, 好抵鍚~! 不過就學識咗啜手指…
陶陶:『手指好味~!』…『唔畀食!?』 … 『我咬婆婆!!!』
到黃昏, 姨媽們玩埋個『咖啡杯』就先行離開, 我哋一家四口逛多個圈就回酒店check-in lu~! 
晚上的迪士尼有雪花隨隨降下, 加上聖誕樹和月光, 好浪漫啊~!
* 續 *
會唔會平時太少嘢分散小魚仙ge精神, 所以咁好精力去喊去扭抱同扭食. 心思思又無嘢玩, 咪唯有食囉?!
回覆刪除