煮湯丸 (3Y5M) - 25.05.11

呢晚爸爸又係夜歸, 陶陶又瞓咗, 晢晢和媽媽又要諗諗搞作好消磨時間~! 晢晢提議玩麵粉, 媽媽就醒起早前買咗包糯米粉, 於是便提議整湯丸~! 連湯丸都不知為何物的晢晢又傻奸奸的說『好』~!

搓呀搓~ 搓呀搓~

都搓得幾圓啊~!

全部都係晢晢搓架~!

搓咗差不多滿一碟, 晢晢以為準備收檔, 點知媽媽竟然話:『不如我哋煮咗d湯丸嚟食咯~!』嘩~! 晢晢聽到可以煮嘢食直頭高興到雙眼發亮!! (平時廚房係禁地嚟架嘛~!)

話就話畀佢煮, 但其實比佢擔張凳仔喺隔離睇而已~!

媽媽邊煮邊講解:『水滾會有好多bubble升上嚟架~!』

煮好啦~! 晢晢一口氣食咗3粒! 自己煮係唔同d~!

(臨刷牙仲話想食多一粒, 可惜含咗一陣話吞唔落, 吐咗~!)

width="425" height="344">

事後媽媽擔心晢晢會因為有先例而時時走入廚房搞搞震, 所以便進行催眠式說教, 誰不知晢晢的回應相當醒…

媽媽:『嗱~ 記住而家有媽咪喺度晢晢先可以入廚房煮嘢食o既! 平時Ciki姐姐煮飯晢晢可唔可以擔張凳仔企高睇呀?』

晢晢:『唔可以o既~! 我知道架喇, 我一定唔會走入廚房o既! 要問過媽咪先得!』

答得好誠懇, 而且唔係得個講字, 連日來真係未試過越軌! 乖仔~!

遲d試下包雲吞先得~! (點包o既呢??)