晢晢醫生 (3Y5M)

前排一家人都病倒了, 媽媽, 陶陶, 晢晢三個輪流睇醫生, 睇得多, 晢晢就突然愛上看醫生遊戲! 由派籌到排藥扮得一絲不苟! 對白更惹笑得不得了!!!

                                            

晢晢(大叫): 『Emily, 7號, 輪到你喇…』

媽媽坐下, 晢晢劈頭第一句: 『吾… 你呢… 有得醫o既!! 』

媽媽(爆笑): 『有得醫就好咯… 咁醫生到底我患咗咩病呢!? 』

晢晢: 『你呢, 食返d「收風藥」就冇事架喇!』

媽媽: 『吓? 收風藥!?』 (食咗收風會收得快d??)

晢晢: 『係呀, 食咗呢就唔會再流鼻水同咳架喇~! 』

媽媽: 『哦~~ 傷風藥呀嘛~!』

晢晢: 『係呀, 傷風藥 !』(同一時間, 晢晢不停在紙上鬼畫符, 在扮醫生寫藥…)

媽媽: 『咁我除咗傷風仲有冇其他病呀??』

晢晢: 『你呢… 仲有你d骨頭斷咗呀! 』

媽媽:  (吓!? 無啦啦斷骨!??)

然後晢晢便扮跌打醫師般用張紙, 上面放满波子, 然後往媽媽手上一達! 就像up生草藥般…

媽媽: 『醫生, 要up幾耐架?』

晢晢: 『吾… 十聲就得架喇… 1, 2, 3…10… 得喇!』

之後晢晢就拎咗個兜仔執咗d波子等扮執藥…

晢晢: 『呢隻呢, 要食2次… 呢隻呢, 要食3次…』

媽媽: 『咁隔幾耐先食呀?』

晢晢: 『吾… 3分鐘!!! 』

媽媽: 『哦~ 唔該晒你呀醫生!』

實在笑到媽媽肚痛!!!

不過呢~~ 其實呢個醫生真的唔錯呀! 起碼一開始就會同病人講『你有得醫』,  畀到病人好大信心啊~! 哈哈哈哈哈~~~!!!!