家中植樹!? (3Y7M) – 30.07.11

呢日係星期六(即晢晢合唱團表演當日), 因為下午先要出門口, 所以早上媽媽就帶咗晢晢到公園放電, 其間晢晢喺地上執咗一支樹枝, 然後同媽媽講;『媽咪, 我想拎返屋企種呀?』媽媽以為佢隨口講吓, 就順口答佢:『咁屋企遲d咪會有棵樹囉?』… 之後晢晢好似冇咗會事咁繼續玩sir滑梯…直到完咗合唱團表演返到屋企(晚上7點幾), 媽媽就趕著帶發高燒的陶陶看醫生, 然後到急症室… 一直到忙忙忙到凌晨3點多返到屋企, 攰到不得了, 但沖完涼後向窗邊一望… 就見到…

原來晢晢真係拎咗支樹枝返屋企種呀!!!

晢晢真係可愛得不得了!! 媽媽完全唔知佢係點帶支樹枝返屋企!!?? 更加唔知佢幾時插咗喺棵植物度!!??? 媽媽望住支樹枝笑咗好耐好耐, 一想起晢晢如此認真的對待一支樹枝, 又如此天真的認為將佢插喺泥度就會長大, 媽媽真的笑到痛肚… 本來倦極的身心頓時精神起來~!

到第二朝, 媽媽拖著晢晢到棵植物前問:『晢晢, 係咪你插支樹枝入去架??』晢晢冇正面回答, 只垂低頭偷笑, 然後問:『佢有冇高度呀???』

好傻~! 但童年就應該這樣嘛~~