陶陶。爬入房。餵媽媽吃餅 (9M3W) – 04.08.11

呢晚放工返到屋企, Ciki姐姐就同媽媽講:『而家陶陶識爬到房門口, 然後推開房門入房呀!』

吓? 咁過引??? 媽媽即刻拎埋相機叫陶陶示範啦~!

陶陶見到媽媽果一刻嘅笑容真係好可愛

~!

自始, 陶陶一落地就會第一時間到走廊穿梭, 而指定動作就係『推房門』, 佢唔會好大力咁推, 總會小心翼翼的, 推一下細細力, 打開少少『裝吓』, 見冇咩異樣就再細細力推多一下, 之後先爬入房~! 每次成功入到房時總會『陰陰咀』咁笑, 好似讚緊自己叻叻咁~!

同一晚, 陶陶又有新驚喜! 就係餵媽媽食餅餅~!

本來媽媽只坐喺陶陶旁邊望住佢食餅餅, 突然陶陶就將佢手上片餅往媽媽咀裡放! 因為片餅沾滿陶陶的口水, 媽媽都唔太願意食, 所以就『扮食』, 誰不知畀陶陶識穿咗, 不停『呀呀』叫示意媽媽要『真食』, 見佢咁有『誠意』, 便勉為其難咬咗一啖… 陶陶心諗『一啖咁少, 食多幾啖啦!』, 於是再『呀呀』叫示意媽媽食多幾啖… 媽媽從來未試過一口氣食咁多口水餅囉…

啱啱餵完媽媽食一啖, 可惜影唔切…