咁耐冇update個卜, 只因舊電腦壞咗, 新電腦又唔知做乜讀唔到相機d相, 搞來搞去, 到今時今日先可以有相睇… 唉… 只嘆自己係電腦白痴…
好啦終於可以紀錄一下晢晢o既生活點滴喇…
難得有咁長o既復活節假期(仲長過新年!), 爸爸媽媽一於爭取時間帶晢晢四處玩, 假期第一日, 我哋一家三口就嚟到大棠茘枝園玩喇~!
由元朗搭的士先40多元, 心諗『真抵!』, 可惜當架的士駛走之後我哋先發現的士去錯地方!!! 累我哋要再步行多二十分鐘先到達, 真的想XYZ個司機!!!
行到隻『積』咁...
沿路經過『流浪牛之家』, 晢晢話:『嘩! 好多COW呀!!』
幾經辛苦終於嚟到目的地啦!!!
嚟到售票處, 我哋揀咗三項活動 + pick strawberry, 大概二百多元就夠一家三口玩足一日, 好抵玩!!!
先同爸爸嘆支地道有機菊花茶~!
入門口冇耐就見到有繩網, 以晢晢年紀會有d難度, 但爸爸仍好有心帶晢晢挑戰一下身手~! 兩父子表現唔錯呀~!
嚟到動物餵飼區, 晢晢可以盡情地餵小動物~! 例如: 餵羊咩咩…
餵魚魚…
咪以為晢晢只敢餵『小』動物, 『大』o既一樣冇有怕, 睇下晢晢餵馬馬個樣~!
玩咗一輪, 就排隊坐牛牛車, 雖然等唔到車頭坐, 但對晢晢嚟講已經係一個好有趣o既體驗~! 之後幾日晢晢時時都提住:『我要坐牛牛車!』
然後走到大草地, 遇上有兩位哥哥正在吹bubble, 晢晢好唔客氣咁一同加入, 好在哥哥好心肯同佢玩啫~!
不經不覺由11點玩到2點多, 晢晢開始扭眼瞓, 剛巧天又下著雨, 就到飯堂吃點小食及休息~! 好在我哋嚟得及時, 一坐低, 個天就開始落『狗屎
嚟到騎馬區, 晢晢雙眼發光, 一副十分期待的樣子, 可惜要3歲以上先騎得, 我哋帶晢晢離開時佢好失望啊! 不停叫住『我要騎馬馬…我要騎馬馬…
幸好下個節目夠吸引, 就係是日重頭戲 PICK STRAWBERRY~! 晢晢好快再次投入去玩啦~!
好大幅士多啤梨田呀!
晢晢用較剪愈來愈純熟喇~!
雖然d士多啤梨偏細粒, 但粒粒都好甜, 晢晢食到停唔到口~! 是日的『部份』收穫
~! (大部份已落咗肚)
總括而言, 呢日真的玩得好開心! 連晢晢都話:『好玩呀… 好開心呀… 坐牛牛車呀… 餵馬馬呀…
so good!!!見你咁耐無update個blog真係好擔心你...因為你對上一個blog話唔舒服!!以你既習慣, 無理由咁耐唔update個blog架嘛....原來只係壞電腦, 哈哈!
回覆刪除[版主回覆04/23/2010 10:31:00]
我都怕大家擔心 , 所以都好心急想update個卜, 可惜d相要搞好耐先勉強搞到... 其實而家有d相我都upload唔到喺yahoo度, 都唔知咩問題??
呢排我身體都好返好多啦, 可能因為醫生加咗藥同埋我休息多咗啦~!
昨天中話部電腦未搞掂，咁快就搞好了！so good~~~~~~
回覆刪除騎馬仔，曉詠日日都記住呀！咪因為早前去了迪士尼玩旋轉木馬！haa~~~咁你都係時候帶晢晢去玩下啦！
下次約埋一齊去玩啦！
[版主回覆04/24/2010 15:10:00]電腦其中已經即壞即買, 只係讀唔到相o既問題一直未解決, 爸爸講咗一d我聽唔明o既方法話咁樣就可以搞掂, 但... 我未見佢郁過...
一齊去玩好啊!