復活節假期 @ 挪亞方舟 03.04.10

 

踏入假期第2日, 我哋一家三口相約咗一班朋友到挪亞方舟遊玩, 地方比想像中大及靚, 但感覺竟然... 又有點… 悶… 不過呢個只係媽媽o既感覺, 對晢晢而言, 邊度都咁新奇~! 咁好玩~!

一場嚟到, 同青馬大橋顥張合照先~!

有朋友相伴其中一個好處就係可以影全家福~!

不過話雖悶, 但我哋都可以由中午行到6點鐘關門先走, 真奇異…??? 連馬灣公園都去唔切啊~! 有點可惜…

晢晢第一次畫黑板~! 到底想畫乜呢??

製作復活蛋, 晢晢全部自己嚟, 唔要爸爸媽媽幫手~!

行到餓餓哋, 食D零食先~!

行咗幾個鐘之後, 我哋就走到沙灘玩(正確d講, 係睇住晢晢玩), 因為媽媽一早知呢度有個沙灘, 就預備定d沙灘玩具畀晢晢, 呢個算係晢晢全日最開心o既活動… (真感激一班朋友願意花時間畀晢晢好好享受)

不經不覺已經入夜, 我哋一班朋友就齊齊踏船到荃灣食晚飯, 到碼頭時, 晢晢見到幾隻狗仔就情不自禁同人哋玩, 好彩班狗主唔介意啫~!

喺船上, 倦極o既晢晢就開始… 有點迷失… 不停發出嚇人歌聲…

不出所料, 一落船晢晢就瞓著咗… 爸爸媽媽可以同朋友好好享受一頓晚餐… 乖仔…

呢日節目雖然未算十分盡興(不過對晢晢嚟講應該十分高興~!), 但難得有假期可以一家人輕鬆下已十分感恩~!