上次覆診醫生因懷疑媽媽甲狀腺線素過低而抽血檢查, 一心諗住今睇結果, 點知醫生click幾click個電腦就話:『因為健康院個lab同醫院個lab資料唔能夠互通, 所以睇唔到結果…』認真吹脹, 如果健康院明知資料唔能夠互通, 又明知我係要transfer到醫院, 咁何必抽我d血去驗!? 厭我d血太多?? 定係厭醫管局資源太充裕???
算吧! 今日覆診大致上冇咩特別, 只係check到媽媽d尿糖份超咗標, 要5月頭抽支空肚血詳細檢驗… 媽媽唔太擔心, 皆因媽媽一直因胃口欠佳而冇啖好食, 點會無啦啦糖尿!? 理由應該係媽媽到步前曾飲咗一支西柚橙汁! 
另外雖然驗血報告未出, 但醫生都已著量加咗少少藥, 希望精神狀況會有改善~!
沒有留言:
張貼留言