近來媽媽身體大不如前, 做任何事都提唔起勁, 無論休息多久都『回唔到氣』
星期六中午放工返到婆婆家, 靈活活潑o既晢晢不停叫媽媽玩東玩西
工人姐姐見媽媽攰到冇晒力, 就主動帶晢晢到公園玩, 讓媽媽可以安靜地睡一覺… 假手於人真的很難受, 但真的沒法子…
時間一分一秒咁過去, 但媽媽依然回唔到氣, 繼續黐住張梳化睇住晢晢玩(連嘢都講唔到半句
星期日, 本來要到教會, 但媽媽精神仍然十分欠佳, 所以留守大西北休息
午睡後, 總要想想活動畀晢晢玩, 媽媽就拎出kids paint同畫紙, 一家三口齊齊畫畫。(呢個活動媽媽仲應付得來…
到晚上, 晢晢又跟爸爸一齊洗白白 + 水戰, 玩得不易樂乎~!
雖然節目有點『行貨』, 但晢晢仍表現得相當高興, 希望晢晢明白媽媽唔係時時都可以陪唔到佢啦…
******************************************************************
後記: 星期一(3月29日), 媽媽的病終於嘔出來了, 雖然只是普通上呼吸道感染, 但媽媽唇上生了一大排泡疹, 是抵抗力極低的徵兆…
星期二(3月30日), 媽媽到甲狀腺科覆診, 醫生話媽媽可能是甲狀腺素過低引致唔尋常地疲倦, 已即日抽血檢驗, 4月9日取報告, 到時再調節藥物份量… 現階段似乎需要買d雞精補補身兼提提神~!
總之, 最緊要盡快找出原因, 對症下藥, 時時拖著疲倦o既身體真的會令人情緒低落…
沒有留言:
張貼留言