山頂遊 - 11.04.10

4月11號呢個主日係教會戶外崇拜, 由於我哋一家冇參加, 所以就留守大西北休息…

吃過早餐後, 爸爸突然提議:『不如今日去山頂咯』, 基本上媽媽冇反對, 但由於前一晚媽媽失眠, 就要求午睡後先出發… 媽媽一瞓就瞓到下午3點多, 搞呢搞路, 到達纜車站已經差不多5點lu…

等纜車時晢晢十分期待, 不停話:『我要撘tram 呀!』

『不求人』全家福... 係咁上下...

晢晢:『好嘢! 到啦~~ YEAH!!!』

呢日主要遊覽杜沙夫人蠟像館, 晢晢開始時對一d『唔識郁o既人形公仔』顯得有d害怕, 但不久已經通處走, 仲主動走到旁邊要求合照~! (不過爸爸叫佢錫d蠟像一啖就C都唔肯!)

右下圖: 晢晢拎下個制衛籣就會轉架啦~!

本來呢張相只係同爸爸影, 但晢晢無啦啦走嚟做咗攝石人~ 好搞笑~!

晢晢:『Donald叔叔, 你眼鏡咩咗, 我幫你托返啦~!』

晢晢好期待同哥哥合照, 一見人哋走咗就衝上台~~~

所有『人型公仔』都唔及阿童木吸引~~ 仲有晒姿勢~!

世紀大戰: 晢晢 VS 姚明~!

倒掛金鈎~!

晢晢:『放馬過嚟啦!... 包剪揼!』

傻B + 傻爸!

是日最滿意的全家福~!

呢張係唯一一張見得人o既夜景照~! (因為呢晚好大風, 晢晢又有d唔舒服, 所以喺室外唔敢逗留太耐…)

呢晚玩到10點多先離開, 晢晢喺車上已經變咗豬仔lu... 

呢日真的玩得好開心, 天氣暖d我哋要再嚟過~!

 

後記: 可能吹過風, 晢晢o既病變得嚴重咗, 第二朝連學都返唔到, 醫生話係氣管敏感, 不過痰特別多, 要食4日藥先夠wor…  自從返學後, 晢晢就2個月內有3次氣管毛病, 都係時候煲d嘢畀晢晢潤一潤喇!