做咗大西北子民都有好幾年, 但只係近年先知原來屋企附近有呢個親子好去處 – 天水圍綠田園, 返返吓工朱珍姨媽突然來電相約, 橫掂星期六, 冇節目, 一於奉陪!
晢晢: 『哈哈~! 今日爸爸畀我帶埋架單車去玩呀!』
我哋比姨媽x2 + 婆婆 + Yoyo早到一步, 所以先周圍行下
晢晢擒到咁高睇龜龜好得人驚呀…
睇完龜龜就嚟到『動物農莊』, 呢度有o既動物包括…
細、中及大碼羊咩咩…
及牛一隻… that”s ALL! (晢晢個樣真係好詼諧~!
開始餵動物啦! 晢晢好熟手wor~!
晢晢:『餵小動物都搞到我成身大汗o既? 好熱呀!
餵咗大概20分鐘小動物, 就齊齊去下一站~! 晢晢去攞『車』時, 畀Yoyo發現咗, Yoyo緊係唔會放過, 不過最終勝利當然屬於…
下一站就嚟到呢個賣菇菇o既地方, 我哋無意購買, 志在涼下冷氣~ heehee~!
晢晢:『成班姑姑睇菇菇, 都唔啱我o既~!』Yoyo:『咁不如出去兜下風啦~!』
晢晢:『點解咁晒都有蝸牛o既? 等我捉佢睇下先~!
天氣實在太熱, 晢晢見到凍水都雙眼發亮~!
爸爸見晢晢同Yoyo等班姑姑等到咁悶, 就拎咗支bubble出嚟畀佢哋玩~! 佢哋玩得好開心呀!
只係玩咗一陣, 兩隻小鬼已經滿頭大汗, 婆婆即核買咗兩支雪條畀佢哋消消暑~!
晢晢個樣幾滋味~!
嘆完雪條就去玩重點節目~~ 水上單車~! 同晢晢游下『水上單車河』
(記得以前同爸爸仲未結婚時, 久不久都會到黃泥涌水上單車場浪漫一翻, 就算結咗婚搬咗入大西北都曾經老遠到過一次, 估唔到幾年後先知咁近都有一個, 仲要係已經仔都生埋…
晢晢:『Hi 婆婆 + 姨媽 + Yoyo!』
好多魚魚呀!!!
一張好夾硬的全家福…
好在同媽媽張合照影得唔錯啫~!
遊完『水上單車河』, 就嚟到小朋友最愛~~~ 跳彈床~! 一嚟到o既時候見到咁多小學生小朋友都擔心晢晢安全, 但呢間學校o既學生好有規矩, 冇踫撞之餘, 仲不時幫忙照顧下晢晢, 實在抵讚!!
玩得最瘋狂都算係晢晢 + Yoyo 咯…
玩到正午, 太陽伯伯都晒到上頭殼頂我地就離開lu~~
食lunch果陣, 同晢晢一齊睇返呢日o既相, 晢晢都好回味啊~!
沒有留言:
張貼留言