第一次喊『驚驚』

一直以嚟我都幾刻意唔教晢晢個"驚"字, 因為唔想佢咩叫話驚而影響佢學習, 結果晢晢都算幾大胆架~! 尚算咩都敢去賞試, 又唔怕賣甩父母自己一個人去玩~~



不過隨住晢晢o既長大, 已經冇呢支歌仔唱喇… 上星期日去濕地公園, 我就第一次聽到晢晢講"驚驚"二字… (都唔知邊個教! )



事原爸爸抱晢晢去d疑似動物標本前, 其中一隻係疑似狐狸(sorry~ 媽媽掛住影相唔記得睇隻動物o既正確名稱, 暫時叫佢"狐狸"先啦), 爸爸抱起晢晢叫佢摸吓隻狐狸, 點知晢晢即刻攬實爸爸, 然後隻手不停拍爸爸背脊講“驚驚呀”…  我同爸爸都係第一次聽佢講”驚驚”~~ 仲有佢果個嗲樣~! 雖然有d唔爭氣, 但我哋又覺得佢好可愛啊~!

之後爸爸再勸晢晢試下掂吓狐狸, 又示範掂畀佢睇, 好彩晢晢好快又肯踏出一步伸手摸吓佢... 一吓咁多~~~ 雖然好快又再次攬實爸爸~!



晢晢, 你係男仔嚟架, 要大胆d先似樣架嘛~! 知唔知道~!?