日食

百年難得一遇, 真係好想 . 好想 . 好想去睇...

曾經渴望爸爸會好識趣咁講: 老婆, 去睇日食咯... (不過爸爸一向都唔識趣呢)

又曾經想今朝遲少少返工去睇... 但又良心過意唔去...

唯有一邊聽住收音機留意住關於日食o既消息, 一邊喺車上注意天色...

8點30分, 平日會有陽光晒到座位, 但此時突然天色變暗, 立即台頭向望天, 係藍天白雲! 我深信係日食作的怪! 當時收音機正報導太陽正被食咗一小啖~!

8點45分, 落車了! 平日陽光猛烈o既路上又係一滴陽光都冇! 但天空依然藍天白雲! 好特別~!

9點, 返到公司了, 已經打定輸數, 諗住一定會錯過呢個難能可貴時刻...

點知到9點25分...

突然聽到同事起哄! "睇到呀, 睇到呀!"

我即刻去八吓! 嘩, 透過公司隻茶色玻璃窗, 加副超! 真係望到呀!!! 真係超超超超級開心!!!  我見到時個太陽係一隻牛角包o既模樣~!

真係估唔到喺公司都可以睇到! 感謝主!