自晢晢4個月就開始認識flash card, 為咗慳錢, 我選擇咗自製字咭, 得閒整d得閒整d~ 近來發覺真係整得愈來愈精美~! 趁仲未殘, 同佢哋留個倩影先~~
早期作品
就咁用A4紙print完貼喺A4 card 紙上, 製作認真但稍欠美觀…
中期怍品
隨住晢晢o既長大, 字card既size漸漸變小, 但仍然keep住白底紅字…
初初整冇乜經驗, 手功都係麻麻…
後來開始有心得, 愈見美觀~! 亦加入不同字體~!
中後期作品
Size依然, 但已轉做白底黑字, 而且加入細size的中文生字咭...
後來為咗加多d手部動作藉以剌激佢認字, 開始製作揭揭咭~! 效果非常理想, 基本上一晚已可以學懂5-10個生字~! 揭咭動作增加咗趣味性, 從而引起晢晢主動學習,, 且印象深刻, 幾日後再問返都可以順利認讀~!
最近佳作
Colour card, 真係靚到買返嚟咁呀~~~ (我自己認為啫~! 
近來仲有製作中文揭揭咭, 其實同英文揭揭咭差不多, 不過入面o既圖片係喺書局現成買返嚟o既識字咭~! 因為“原裝”吸引力唔夠, 所以試下改裝做揭揭咭睇下效果如何~!
呢度每張card製作時放咗不少愛心同時間, 見到晢晢鍾意已經心滿意足喇~!
誰說flash card沒有愛??
妈咪好有心机呀...你有咁多爱心比晢晢,怪不得 佢 咁叻喇
回覆刪除你睇下你幾好心機！
回覆刪除我呢都信這套架！但係我和爸爸的原則是待曉詠開始識講野，起碼多點單字，我們才開始。但至於百科圖卡在曉詠4個月時已開始！
大家加油！開發右腦潛能！
還想講，這個揭揭卡真的做得好！我第時整都要試下！可否介紹下製作過程呢？
回覆刪除[版主回覆07/09/2009 22:35:00]為咗你, 我寫咗編 "製作過程", 去睇下丫~~
佩服!!佩服!!
回覆刪除其實我有個疑問....咁早俾佢認字, 有無必要? 有乜好處呢?
[版主回覆07/09/2009 22:49:00]咁早開始教生字... 其實開始時我只係基於好奇搵個仔做實驗 因為睇過關於flash card既書, 我想證明係咪真! 到晢晢開始能夠認字時, 我就覺得既然佢有能力學而且學習過程開心, 咁點解我唔keep住教? 世界上好多知識都係靠文字記載, 咁小朋友早d學識閱讀, 睇多d書, 學多d嘢, 點計都唔係壞事呀~!
其實好多反flash card既人對flash card都有誤解, 認為BB只認到個字而唔明白意思, 但我可以100%肯定, 晢晢係先理解, 再認字, 最後係認讀(將個字讀出)~!