點解盒紙巾搞成咁架!!!???
「我自己嚟~!」係每日晢晢必講, 每次媽媽都會答佢:「緊係晢晢自己啦, 媽媽唔幫架!」晢晢聽到先會安心D… 
呢一晚, 爸爸媽媽到超市入貨, 喺超市入面晢晢又話要自己推車仔, 媽媽呢次冇畀, 因為怕佢撞到人, 結果喊到豬頭咁…
當畀晒錢之後, 爸爸為咗安撫晢晢, 就畀咗個任務佢: 「晢晢, 幫媽媽拎紙巾!」
結果晢晢就興高采烈咁拎住盒紙巾由超市門口拎到返屋企! 
不過可憐o既紙巾盒就畀晢晢磨到腸穿肚爛…
各位環保人仕唔駛擔心, 媽媽冇掉到d紙巾, 只剪去少許黑邊, 然後留返嚟抺塵~!
有時照顧小朋友, 就係要有少少犧牲...
嗚...盒紙巾死得好慘呀...呢首咩野歌呢架？
回覆刪除[版主回覆02/09/2010 21:48:00]HEEHEE~~
首歌係PANCAKE o既"大踏步"~!