床邊故事 – <安全第一>

幾個星期前, 媽媽揀咗呢本<安全第一>作為床邊故事, 過往媽媽會將任何故事書入面o既小男孩(if any)都叫做晢晢, 所以當媽媽一拎出呢本書時, 晢晢已經識自己指住個小男孩叫:「晢晢呀!」

講咗幾日, 晢晢已經好熟悉個故事..

當媽媽一拎起本書… 晢晢就會講:「安 - 全 - 第 - 一!」

一見小男孩跳梳化… 晢晢:「晢晢跳跳呀… 唔啱!」

當見到小男孩撞到… 晢晢:「唉吔! 跌咗… 踩到車車… bom呀! 撞到頭頭… 好痛呀… 嗚嗚嗚…」(扮喊)

當見到故事入面o既公公因為小男孩亂放玩具箱而跌到… 晢晢:「公公跌咗… knee痛痛…」

媽媽:「係呀, d玩具亂放踩到跌跌就會痛痛架啦, 咁玩完d玩具要點做呀?」

晢晢:「玩完o既玩具要放好!」

媽媽:「係喇! 安全第一知唔知?」

晢晢:「知!」

略…

而家當晢晢玩完d玩具唔願意收拾時, 媽媽都會提醒:「嗱~ 要收玩具呀! 安全咩呀?」晢晢就會話:「安全第一!」然後就會乖乖收拾! 乖仔~!

　　　　　　　　　　　　　　　　　　　　　　　　

特別要多謝Ivy姨姨送上呢d咁益智o既書籍(收到一共五本), 雖然係二手, 但keep得非常新淨, 而且對教導晢晢好有幫助!

 

因為見晢晢反應十分好, 所以媽媽已將餘下同系列o既所有書仔都買晒返嚟~! (包括幼兒生活安全系列, 幼兒德育系列及幼兒心理系列)~! 晢晢發達咯!!!