上星期艾篙裝修, 晢晢休息咗一個星期, 冇返咁耐, 晢晢表現如何呢???
上課情況:
一開始玩咗幾個用呼拉圈玩o既遊戲藉以鍛鍊小朋友o既空間感, 大肌肉能力, 手握能力及手腳協調能力
, 晢晢表現不錯, 只係其中一part要求小朋友只用眼觀察如何將呼拉圈放於肩上呢個動作時, 晢晢跟得有點不隱陣, 不過大致上算係跟到~! 
另外, Surman話呢堂終於見到晢晢踎, 果然踎得唔錯~!
遊戲另一部份係要求小朋友收集呼拉圈, 當晢晢手穿滿呼拉圈時就沾沾自喜咁話:『晢晢好大力呀!
』(Surman姐姐話同晢晢拍低咗佢呢個賴叻樣, 媽媽好期待睇相~
!) 當其他小朋友都穿滿呼拉圈時晢晢又會讚其他小朋友:『小朋友好大力呀!』, 又會拍手歡呼~! (原來晢晢都識鼓勵其他人o既~~)
另一個遊戲係要求小朋友聽指令到不同顏色o既呼拉圈, Surman姐姐話有d小朋友會唔理路線長短, 只管就到目的地; 又有d小朋友直頭唔理指令盲中中周圍走
, 而晢晢呢, 就係比較少有o既小朋友, 佢係會先諗諗, 然後揀條最短o既路線走到指定顏色呼拉圈, Surman姐姐話好欣賞佢呢個思考能力! (其實媽媽都好欣賞~! 叻仔!)
到下一環節, 呢堂玩『貓捉老鼠』Surman姐姐話晢晢係唯一一個明白咩叫貓捉老鼠 (媽媽都唔明點解佢會明? 因為媽媽好似冇教過…
) 遊戲目的係讓小朋友學會咩係『被捉』(如何逃走?), 『捉』(如何捉到目標?)及『呢埋』(如何保護自己?)… Surman姐姐話晢晢好享受被捉, 仲時時講:『我係大老鼠嚟架, 我唔怕貓架!
』, 不過當扮演貓時晢晢顯得有點不知所措
(或許因為唔知點入手)~! 另外Surman姐姐話被捉都有學問, 能夠先觀察貓o既位置先決定逃走路線係最理想, 但晢晢就仲未識, 當被捉時只懂亂跑, 而且比較鍾意呢埋, 不過,Surman姐姐又話晢晢呢埋得幾好, 好識保護自己身體, 又知點樣呢先可以隱藏到自己… (咁聽落又差唔晒…
)
上課情況只記到咁多, 喺課堂秩序方面, 終於收到喜訊…
『今堂定咗好多, 肯坐定定及等待…』
『識得主動話: 小朋友唔爭玩具, 要分享…』(緊係啦, 媽媽晚晚催眠式說教
!)
『識得鼓勵同讚其他小朋友…』
第二日早上, 媽媽跟婆婆提起晢晢上PG有進步, 婆婆就話:『知啦, 見到佢本簿仔貼滿紙啦~!』哈哈~! 希望跟住落嚟晢晢都會有好表現啦! 晢晢加油呀!!! 
沒有留言:
張貼留言